شاندو ئیمراڵی دماو گلێرۆبیەیش چنی ڕابەر ئاپۆی، بەردەوامێنۍ جە سەردایەکاشا. ئارۆ چنی چڼین پارتە سیاسیا کوۍ بیێوە و دماجار چنی پارتو سەعادەتی کوۍ بیێوە.

شاندو ئیمراڵیی دەم پارتی پێکئامێنۍ جە سەرۆک فراکسیۆن سری سورەیا ئۆندەر و پەروین بوڵدانە و هامسەرۆکو شارەوانی مێردینی ئەحمەد تورک.

دماو ئانەی شاندەکە جە مېیانو گرڎی پارتو سەعادەتینە چنی سەرۆکو گرڎیی پارتو سەعادەتی مەحمود ئاریکانی کوۍ بیێوە، دماتەر کۆنگرێوە ڕۆنامەوانیشا سازکەرڎ.

ئەندامو شاندەکەی سری سورەیا ئۆندەر و سەرۆکو گرڎی پارتو سەعادەتی مەحمود ئاریکانی جە کۆنگرە ڕۆنامەوانییەکەنە قسێشا کەردۍ.

سری سورەیا ئۆندەر ئەرەیاۋناش پێشنیار و هۆشدارییەکا پارتو سەعادەتی قبووڵ مکەرا.

ئۆندەر ئەرەیاۋناش دماو گلێرۆبیەیشا چنی پارتە سیاسییەکا، ئەرەیاۋنێوە ۋەرفراوانشا بۆنە، واتش: "هیچ چێوۍ نییا جە ئاشتی و یەکسانی چی وڵاتەنە گرنگتەر بۆ. گەرەکمانە پێوەرە ئاشتی بنیاڎ بنیەیمۍ. ئاشتی زەرەرش پەی کەسی نمەبۆ".

ئاریکان ئەرەیاۋناش بە پرۆسێوە گرنگەرە موېیەرمۍ و واتش: "هەوڵمڎەیمۍ جە نزیکتەرین وەختەنە هامکارۍ بیمۍ چی پرۆسەنە".