ستۆکهۆڵم، کۆڵن و ئاخنەنە سڵام جە مڎرامانوو ۋەرنیشتی کریا
کوردەسانیێ و دۆساشا جە شارو ستۆکهۆڵمو سویدی و شارەکا کۆڵن و ئاخنو ئەڵمانیاینە سڵامشا ۋنەو مڏرامانو وەرنیشتی کەرد و هجومە ئەرەگیریەکێشا شەرمەزار کەردێ.
بە دیمەن
کوردەسانیێ و دۆساشا جە شارو ستۆکهۆڵمو سویدی جە مېڎانوو سەرگەلس تۆرگی گلێرێ بیێوە و هجومەکێ دۆڵەتو تورکی ئەرەگیری و چەتەکا سەرو وەرنیشت و سەرنیشت و وەرکەوتو سوریایشا شەرمەزار کەردۍ
جە چالاکییەکەنە دروشمۊو "بکوژ ئۆردۆگان” دۆڵەتو تورکی وەرنیشتی جیا پاسە" بەرزکەردۆ.
وەرپرسو کاروبارو بەری و ئەندامو پەرلەمانو پارتو چەپی، هاکان سڤێنلیگ، جە چالاکییەکەنە قسێش کەردێ و واتش: کورد جە دژو داعشی جەنگش کەرد، کە بیی بە بەڵاو جەهانی. دۆڵەتو تورکی داعشش ورگێرت و گەرەکش بۍ کورد و دەسکەوتەکاش دلێنە بەرا. دۆڵەتو سویدی بەردەوام بێ جە هامکارییەکا چنی تورکیای و کوردەکێش کەردێ بە قوربانی پەی ئەندامبیەیش جە ناتۆنە. ئیسە گەرەکشا هەیئەو تەحریر ئەل شامی کوردی دلێنە بەرۆ”.
چالاکییەکە بە دروشمۊو "بژیۋۆ مڏرامانو وەرنیشتی" و "ژەنی، ژیوای، ئازادی" دمایش ئاما
کۆڵن
هجومە ئەرەگیرکارییەکۍ سەرو وەرنیشی جە شارو کۆڵنو ئەڵمانیای بە چالاکیێ شەرمەزاکریا و جە چالاکییەکەنە ئاڵاو یەپەگەی و یەپەژەی بەرزکریاوە و بەردەوام دوورشمۊو "بژیۋۆ مڏرامانو وەرنیشتی" وچیاوە.
جە چالاکییەکەنە بە نامێ تەڤگەرو ژەناوە، شیلان ئەرگینە بە زوانی ئەڵمانی قسێش کەردێ و لەشکرکێشیەکۍ سوپاو تورکیش پەی سەرو خاکو کوردەسانی شەرمەزار کەردۍ.
ئاخن
جە درێژەو شەرمەزاکەردەی هجومە ئەرەگیریەکا دۆڵەتو تورکی و چەتەکاش پەی سەرو وەرنیشتی، کوردی و دۆسەکاشا جە شارو ئاخنو ئەڵمانیای چالاکیشا ئەنجامدا.
جە چالاکییەکەنە ئاڵاو یەپەگە و یەپەژە بەرزکریاوە و بەردەوام دوورشمو "ژیو مڏرامانو وەرنیشتی" وتریاوە.
دماتەر بە نامێ پەیەدەی و خۆنکارا ئەنتەرناسیۆنالیستیۆ قسێ کریا و بانگەواز پەی پارێزنای شۆڕشو وەرنیشتی کریا.
