کۊمار سەڎەو وێش تەمامناش، بەرڎەوام هەوڵێش دێنۍ ڕاو جینۊسایدی و کۊکوشی دژ بە گەلوو کوردیوە درێژە بە بییەی وێش بدۊ. دەوڵەت کە چی ڕوانە لوان سەڎەو دووەموو وێشۊ، بە شێوازی جیاواز، بەتایبەت دژوو گەنجاو کوردی و ژەناو کوردی، بەرڎەواما جە هجوومەکاش پەی سەروو گەلوو کوردی.

چالاکەو جمیەرەو ژەنە ئازاڎا (تەژەئا)، ئەیلەم ساروجا، سیاسەتەکاو دەوڵەتیش وەراوەروو ژەناو کوردی و ڕووەدایەکاو تارێخوو کۊماریوە ورسەنگنا.

"دەوڵەتوو تورکی بە کۊکوشی و قڕکەرڎەی کورڎا بەرڎەوامی بە بیەی وێش مدۊ"

ساروجا ئاماژەش پانەیە کەرد، کە نەتەوەپەرەسی تورکیانە بە درێژایی تاریخوو کۊماری بە فشار و کۊکوشی سەروو گەلوو کوردیوە بەرڎەوام بییەن و واتش، کە سیاسەتی دوژمنکارانە دژ بە بییەی کوردی سەدان ساڵێن بەرڎەواما و واتش:" نەتەوەپەرەسیێوە، کە ماچۊ یەک زوان، یەک پەرچەم، یەک وەڵات سەد ساڵێن وێش پێسە حوکمڕانییش سەپنان و بەرڎەواما.

دەوڵەتوو تورکی پا هجووما کە تارێخوو کۊمارینە دەسش پەنە کەرڎێنۍ ژەنیش کەرڎێنۍ ئامانج. بەتایبەت جە کوردستان، دەرسیم، مەرەش، زیلان و وەرنیشتنە، ژەناو کوردی کریێنۍ ئامانج، چە بە دەسدرێژیکەرڎەی سەروو جەستەیشا یان کوشتەی. چونکوم عەقڵوو دەوڵەتی پیاسالاری جە تارێخوو جەنگە جیهانییەکانە جەستەو ژەنێش پێسە غەنیمەتی دیەن. ژەنی جەنگ و  کۊکوشییەکانە بیێنە بە ئامانجی یوەم. تورکیا تارێخوو کۊمارینە ئا هەرمانێشە دژوو ژەناو کوردی کەرڎێنە.

کۊشیای ئازاڎیی ژەنێ

ساروجا ئاماژەش پانەیە دا، کە جە ساڵەکاو نەوەدەکاوە ژەناو کوردی، کە ڕووبەڕووۍ هجوومی کۊکوشی و پاکتاوکاری بیێنێوە، هەرپاسە سەبارەت بە وەڵێکەوتەیەکاو جمیەروو ژەناو کوردی واتش: "کۊشیای پەی ئازاڎیی ژەنا جە گرڎ ڕووێوە قەوەتتەر بییەن، ئینە ڕاسیێوەن نکۊڵییش وەنە مەکریۊ. بێگومان دەستکەوتەکاو ئیساتۍ جە ئەنجامو کۊشیای زەحمەتنە بەدەس ئامینۍ. ئینۍ جمیەروو ژەناو کوردیشا قەوەتتەر کەرڎەن."

 دژوو ژەنا جەنگی تایبەت  ملۊ ڕاوە

ساروجا باسوو ئانەیچش کەرد، دەوڵەت کوردستاننە سیاسەتوو جەنگی تایبەتی دژوو ژەنا بەرۊ ڕاوە و ئاماژەش پانەیە کەرد، کە ژەنی گەنجۍ جە ڕاو پەیوەندیی ناشەرعی و سۊزدارییوە هەوڵۍ سیخوڕیکەرڎەیشا دریۊ و سەبارەت بە هجوومەکاو سەروو ژەناو کوردی ئینۍ کە واتێش:"فرە گرنگا سیاسەتەکاو جەنگی تایبەتی، کە گلێرگەو کوردستانینە گوزەریۊ بوینمۍ، کە بەتایبەتی دژوو ژەنا کریۊ". ئی سیاسەتۍ کە سەروو گلێرگەی کوردی و ژەناو کوردیوە ملا ڕاوە، نەک حەر زەرەر بە جمیەروو ژەناو کوردی میاونا، بەڵکوم زەرەر بە تەمامی بە کۊشیای ژەنا میاونا."

"ئێمە پێسە ژەناو کوردی پەی کۊمارێوە دیموکراتیکی کۊشیەیمۍ "

ساروجا ئەرەیاوناش، کە سەڎەو ویس و یەکی سەڎەو ئازاڎیی ژەنان و جمیەروو ژەناو کوردی سەروو ئینەیە پا گێرۊرە و سەدو کۊمارینە بێگومان ئێمە پێسە جمیەروو ژەناو کوردی پەی تورکیاێوە  دیموکراتیکی درێژە بە کۊشیایما مدەیمۍ و دڵنیێنمۍ کە پەی ئی کۊشیایە مشۊم  سەروو زەمینێوە هامبەشی جەنی گرڎوو جمیەرەکاو ژەنا یۊی گێرمۍ و پێوە کۊشیایما دژوو عەقڵی باڵادەسوو پیاسالاری قەوەت کەرمۍ و چوارچوەو ئا ئەنەیاواینەینە پەی وەڵۍ بلمۍ."