سویسرانە جەژنەو زۋانی کوردی پیرۆزەکریا
شارەکاو لۆزانی، جنێڤ و گاساوی سویسراینە جەژنەو زۋانی کوردی بە پانێل، سمینار، ۋەنەی کوردی و گۆرانیۍ کوردیۍ پیرۆزە کریا.
بۆنەو جەژنەو زۋانی کوردیۆ جە شارەکاو لۆزان، جنێڤ و گۆساوی سویسراینە چن چالاکیێوە کریۍ.
لۆزان
شارو لۆزانینە جە ناوەنڎوو جەمەو دیموکراتیکی کوردینە بۆنەو جەژنەو زۋانی کوردیۆ پانێڵێوە سازکریا، دلبەر حەمە ڕاوەبەروو پانێلەکەی، بۆنەو جەژنەو زۋانی کوردیش پیرۆزە کەردە و ئانەش وست ڕووە بەکارئاوردەی ئەلفوبای لاتینی پەی زۋانی کوردی کە جەلادەت بەدرخان سەرمەشقایەتیش کەرۍ ئینا ئاستوو شۆڕشینە.
جە پانێلەکێنە بە کرمانجکی و کرمانجی مژارۍ پێشکەش کریۍ . حەرپاسە بەڵگە فیلمێوە سەبارەت بە ژیۋای جەلادەت عەلی بەدرخانی نمایش کریا.
چالاکیەکە بە ۋەنێوە کوردی بە شێوەو شانۆی دمایش پنە ئاما.
جنێڤ
شارو جنێڤیچەنە مبارەکبایی جە هۆڵو کۆنفڕانس و ماهاتما گاندینە سازکریا.
سیاسەتمەدار عوسمان چەلیک و هامسەرۆکوو ئینستیتیوتی کوردی جە سویسرانە فاتما شیک جە مەراسیمەکەنە قسێشا کەردۍ و باسشا جە وەڵینگەو زۋانی کوردی کەرد.
دماو پانێلەکۍ دیوەخانوو دەنگواچەکا سازکریا. مەراسیمەکە بە گۆرانیەکاو لوجنەو کولتوری بەردەوام بۍ.
گاساو
کوردسانیا جە کانتۆنوو سانتی.گالانیش جە شارو گاساوی بە هەمان بۆنۆ بە بەشداری نویسەر گێرناس کۆچەر سمینارێوەشا سازکەرد.
