ئەرەنیشتەو قەرارو دۆزو پەڕلەمانتارەی وەڵینەو هەدەپەی ئایسەل توغلوکۍ کە بە بەهانۍ 'پڕوپاگەندەو ڕێکوستەی' دادگاییە کریۍ، جە ١٤و کانوونو دووەمینە جە دادگاو ئامەدینە لوواڕاوە.

بە مەڵامەتو گرفتی تەندرووستییوە ئایسەل توغلوکە ئاماڎۍ دادگایکەردەکەی نەبۍ بەڵام پارێزنەرەکەش سەردار چەلەبی جە ئەرەنیشتەکەو دادگاینە حزورش بۍ. دادوەر بە بەهانۍ 'پڕوپاگەندەو ڕێکوستەی' ماوەو ٣ ساڵا زینانیکەردەیش پەی ئایسەل توغلوکۍ بڕیۆ و ئەرەیاۋنای هۊر ئەسپارای قەرارەکەیچ قبوڵ نمەکریۆ.

ئایسەل توغلوکە کە جە ساڵۊو ٢٠١٦ینە بە مەڵامەتوو هەرمانکەردەیش جە کۆنگرەو گلېرگەو دیموکراتیکینە باڵبەسە کریا، بە بەهانۍ 'ڕاوەبەرەو ڕێکوستەی' ماوەو ١٠ ساڵا زینانیکەردەیش سەرەرە سەپیا. دماتەر بە مەڵامەتو نەوەشی جە ویر شیەیۆ بە گوزارشتەو پزیشکی دادوەری جە ٢٧و ئۆکتۆبەرو ٢٠٢٢ جە گېرتەخانەو کاندراینە ۋەرەدریێبۍ.