پاسکال ساڤۆڵدێلی سیناتۆری فەڕەنسی سەرنجەش پەی بۆ گۆشەگیریی ئیمرالی کێشتە و داواش جە وەزارەتوو دادوو تورکیای کەردە، تا ڕاش پەنە بدریۆ چەنی ڕابەروو گەلوو کوردی عەبدوڵا ئۆجالانی دیدار بکەرۆ.
بە پاو ڕاپۆرتەو ئاژانسوو مێزۆپۆتامیای، پاسکال ساڤۆڵدێلی سیناتۆروو پارتی کۆمۆنیستوو کۆماریی فەرەنسای نامێوەش ئاراستەو وەزارەتوو دادوو تورکیای کەردەن، تا چەمس بە ڕابەروو گەلوو کوردی عەبدوڵا ئۆجالان بگنۆ. ساڤۆڵدێلی، نامەکەشنە سەرنجەش پەی ڕێککەوتەیە میاندەوڵەتییەکا کەردێنە و داواش کەردێنە مۆڵەتی ڕسمیی وینایش بدریۆ پەنە.
نامەکەو ساڤۆڵدێلی پەی وەزارەتوو دادی چینەنە: "من پێسەو سیناتۆروو کۆماری فەرەنسای پەیتا منویسوونە تا سەرنجەتا پەی دۆخوو عەبدوڵا ئۆجالانی بکێشوو، کە ٢٥ساڵێن تورکیانە و زیندانوو ئیمرالیینە گیریان، پێسە مزاندێ عەبدوڵا ئۆجالان ساڵەو ١٩٩٩گیریان چا ڕووەوە زیندانیی ئەمنیی باڵاو ئیمرالیینە گیریان. ڕاپۆرتەکاو پارێزنەراو مافوو ئینسانی باسوو ئانەیە مکەرا، کە جددی و تند، سەردای و مافوو دیدارەکاو ئۆجالانی سنووردار کریان و فرەو جارایچ باسوو پاشێلکەردەی مافە میاننەتەوەییەکاو زیندانیانی مکەرا، ماوەو ئا گردوو ساڵانە بارودۆخوو زیندانی بە تند و وشک پێناسە کریان و گۆشەگیریی درێژخواین بەکار ئامان. عەبدوڵا ئۆجالان ئەکتەرێوی سەرەکییا جە دایوسانایەکاو ئاشتیی بەینوو حکومەتوو تورکیاینە و کوردەکانە.
دایوسانەکاو ئاشتیینە، ساڵەو ٢٠١٣ـیوە ئۆجالان پێسەو میانجییکارێوی دەەورش گێڵنان و داواو ئایربەسیش کەردێنە و هەوڵیش دێنێ دنمایی بە جەنگی بێ و هەڵای پاریزنەرێ و بنەیاکەش ماوەو ٥ساڵان نەدییەنشا و مانگەو ٢٠٢١ یوە قسێش بەتەلەفۆن چەنی ئەندامێوی بنەیانەکەیش تەنیا ٤ دەیەقێ کەردێنێ و دمایی پەیوەندییەکەش پڕچییان، ئی دۆخە بە پێوەس بە مافە سەرەتاییەکاو ئۆجالانی، بەتایبەتی بابەتوو مافوو پەیوەندیی چنی بنەیانەکەیش بە یاسایی، نیگەرانێوی گەورەش وەش کەردەن. بە تایبەتی بەنامێ یاسای میاننەتەوەیێوە، سەروو بارودۆخوو تەندروسی و بارودۆخوو گێرتەی عەبدوڵا ئۆجالانی جە چوارچوە و ڕێککەوتەینامەو میاندەوڵەتی (MSHIS)، مافە مەدەنی و سیاسییەکا و تۆمارەکاو نیلسۆن ماندێلای زانیاریم گەرەکەن. رێزگێرتەی جە مافەکاو ئینسانی، پێسەو مافوو دیداری و پەیوەندیکەردەی بە بەریوە، یاسیوی سەرەکییەو ڕێککەوتەیە میاندەوڵەتییەکانە، کە کۆماروو تورکیای وێش لایەنێوی ڕێککەوتەیەکان.
گەرەکمەن سەرێ بدەو
هەمان وەختەنە پێسەو پەرلەمانتارێوە گەرەکمەن چەنی عەبدوڵا ئۆجالانی و هەلومەرجێوەنە پارێزنەرەکێچش ئامادێ بانە، دیدار بکەروو، ئی هەوڵێ یەکسانەنە چەنی بەها و گەرەنتیەکاو پەیماننامەکاو مافوو ئینسانی، کە ئەمجوومەنو ئەورووپای و تورکیای ئیمزاشا کەردێنە و جە چوارچوەو هەرمانەو منیچەنە پیسەو چەمدارێوە. من گەرەکمەن مۆڵەتی پێویسم پەنە بدریۆ تا چەنی عەبدوڵا ئۆجالانی کۆ بووە، ئیساتێوە سپاسوو شمە مکەرو پەی گرنگیدایتا بە داواکارییەکەیم و هومێد کەروو زووتەرین وەختەنە جوابێوی ئەرێیم بدەیدێوە."
