سزاو جە یانەکەردەی هامسەرۆکۊو شارەوانی دێرسیمی هۊرشێویاوە
یووەمین ئەرەنیشتەو دۆزو هامسەرۆکۊو شارەوانی دێرسیمی بیرسەن ئۆرهانۍ کە پۆستەکەش دەسش سەرەرە گیریان و قەیوم جە یاگێشەنە نریانەرە، لوواڕاوە؛ سزاو جە یانەکەردەیش هۊرشێوییاوە.
ئەرەنیشتەو دۆزو هامسەرۆکۊو شارەوانی دێرسیمی بیرسەن ئۆرهانۍ کە پۆستەکەش دەسش سەرەرە گیریان و قەیوم جە یاگێشەنە نریانەرە جە دادگاو تونجەلینە لواڕاوە. جە ئەرەنیشتەی یووەمەنە سزاو جە یانەکەردەی و قەڎەغەو بەرشیەی بیرسەن ئۆرهانۍ هۊرشێویاوە. دادگا ئەرەنیشتەکەیش دما وست پەی ٧ و کانوونو یووەمی.
دماو ئەرەنیشتەکەی، بیرسەن ئۆرهانە ۋەردەمو دادگاینە قسێش کەردۍ و ئەرەیاۋناش جە ماوەو مانگێوەنە ڕووبەڕوو دەسسەرەرەگێرتەی و زینانیکەردە و جە یانەکەردەی و قەڎەغەو بەرشیەی بیێنۆ، ئینەش پېسە "زنجیرەو نادادی" نامۍ بەرڎ.
بیرسەنە ئەرەیاۋناش ئەنجامدای ۋێنیشاندای کە مافێوە ڕەوان پېسە تۆمەتی ۋینیان، ۋێنیشاندای پەی پارێزنای دەنگو گەلی تاوانە نییەنە.
شالیارو دلێینەی جە ٢٢ ۍ تشرینو دووەمینە دەسش سەرو شارەوانی دێرسیمی جە بەشو دەم پارتی و شارەوانی پولوری دێرسیمی جە بەشو جەهەپەینە گێرت. بیرسەن ئۆرهانە جە کاتو ۋێنیشانداینە باڵبەسەکریا و بە بەهانۍ "پاشێلکەردەی یاساو ۋێنیشاندای و ڕاپیمای" و "هەرمانکەردەی پێچەوانەو ئەرکەکەی"ش زینانیە کریا، دماتەر سزاکێش فاڕیا پەی جە یانەکەردەی و قەڎەغەی بەرشیەی.
