تاراننە بە بەهانۍ پابەندنەبییەی بە حیجابی بەزۊریوە هجووم کریا سەروو کناچێوە تەرۍ
هێزە ئەمنییەکۍ زانکۊو ئازاڎ-وو تارانینە بە بەهانۍ ئانەیۊ پابەندەو یاساو حیجابی بەزۊری نەبیێنە هجوومشا کەرد سەروو وانیارێوە زانکۊی و کناچەکۍ هۊشوو وێش شییە.
کەناڵوو تێلیگراموو وانیارە وەڵێکەوتویوازا وەڵاش کەرڎۊ، کە ٩و تشرینوو دووەمی / نۊڤەمبری وانیارێوە زانکۊو ئازاڎی تارانی پایتەختنە بە بەهانۍ ئانەیوە کە پابەندەو یاساو حیجابی بەزۊری نەبیێنە، هێزە ئەمنییەکاو دلۍ زانکۊی پەلاماری دێنە.
بە پاو ئا سەرچەمەیە هێزە ئەمنییەکۍ وەختۍ پاڵەشا بە کناچەکێوە نیێنە هۊشوو وێش شێێنە. هەرپاسە بە بۍ ئانەیە هیچ زانیاریێوە بارەو تەندروستییشۊ ئەرەبیاونیۊ، فاڕیێنۊ پەی خەسەخانەی.
