سوریانە، دماو وڕاو ڕژێمو ٦١ ساڵەو بەعسی، ناڕۆشنی ڕەوشو ناوچەکەی بەردەواما. جە کاتێنە زلهێزە ناوچەیی و جەهانییەکا باسو سووریای تازەی مکەرا، دۆڵەتو ئەرەگیرو تورکی و چەتەکاش هرووژمەکێشا پەی سەرو هەرێمەکا ئیدارەو وێڕاوبەری سەرنیشتوو وەرکەوتووی سوریای دەسش پنەکەرد. دۆڵەتو ئەرەگیرو تورکی کە نادیار بێنێ و بۆشایی ناوچەکەیش بە دەرفەتێ وینۆ، جە ڕاو چەتەکاشۆ تل ڕفعەت و منبجش ئەرەگیر کەرد. جە مەنتیقە ئەرەگیر کریاکانە جەنگ و تاوانەی دژ بە مرۆڤایەتی ئەنجام مڏریۆنە. هەرپاسە هاموڵاتیێ مەدەنیێ بڕفانریا و دەسدرێژی کریۆنە سەرشا و کۆمکوژ ئەنجام مڏریۆنە.

سەرەتا چنی داعشی، دماتەر چنی چەتەکا سوپاو نیشتمانی، هرووژمەکا بەردەوام مکەرۆ

ئینە یەکەمجار نییا دۆڵەتو تورکی جە ناوچەکەنە تاوانە ئەنجام مڏرۆنە. هرووژمەکێ دۆلەتو تورکی کە جە شۆڕشو وەرنیشتی جە ڕاو چەتەکێ داعشیۆ دەسش  پنەکەرد و هەتا ئیسە بەردەوامیش هەن. دۆڵەتو تورکی جە ڕاو چەتەکاشۆ جار جار هرووژمێ ئەرەگریێ جە ئاسمان و زەمینەنە پەی سەرو وێڕاوەبەری ئەنجام مڏرۆنە و هەوڵو دلێنە بەردەی شۆڕشو گەلاو هەرێمەکەیش دان. جە ئەنجامو مڏرامانو تاریخی هێزەکێ یەپەژە/یەپەگەی، چەتەکێ داعشی مەڕیێنێ. بەڵام دۆڵەتو تورکی بەڕاو چەتەکاشۆ SNAکە جە پاشماوەکێ داعشی پێکئامێ بێنێ درێژە بە هرووژمەکا مرۆنە. پینەیش ڕازی نەبێ، گرێ سپی و سەرێکانی و عەفرینیش ٧ەرەگیر کەرد. ئی ناوچێشە وستێ سەرو پارێزگاکاکا کیلیس و ئورفای. دۆڵەتو تورکی هەتا ئیسەیش چا ناوچە ٧ەرەگیریانە تاوانەو مرۆیی ئەنجام مڏۆنە. هەرچنە ئی تاوانێ دۆڵەتو تورکی بەڵگەدار و پشڕاسێ کریێنێ، بەڵام ئەرەمەرزیێ جەهانییەکێ پەیوەندیدارەکێ ئی حەقیقەتەشا وەرچەم نەگێرتەن و حیچ سزێوەشا سەرو دۆڵەتو تورکیرە نەسەپنێنە.

برۆکسلەنە دادگای گەلی ملۆ ڕاوە

سەرو تاوانەکا دۆڵەتو تورکی کە ٥٠٦و شوباتینە جە برۆکسلەنە پایتەختو بەلژیکای، زانکۆو ئازادی بروکسلی (زانکۆو ئازادی بروکسل - ULB) جە دادگاو گەلو وەرنیشتی دادگایی ملۆڕاوە. ئەرەنیشتەکەی جە هۆڵو شانۆی Aula QA زانکۆکەی ملۆڕاوە. پارێزنەرا و ڕۆنامەنویسا و چالاکوانا مافو مرۆڤی کە جە بوارو تاوانە مییاننەتەوەییەکا هەرمانە مکەرا دەعوەتو ئەرەنیشتەکەی کریێنی.

ئی دادگاییە جەلایەن کۆمیتەو پەیوەندییەکێ چبەرو ئیدارەو وێڕاوەبەری سەرنیشتوو وەرکەوتوو سوریای و ئەنجومەنو دیمۆکراسی و مافو مییاننەتەوەیی و ئا پارێزنەرا کە لواشۆنی پەی تاوانەکا دۆڵەتو تورکی کەردەن و پارێزنەرا مافو ژەنا و کۆنگرەو نەتەوەیی کوردەسانی پشتیوانی کریانە.

'هرووژمەکا ئاشتی و ئارامی ناوچەکەی بە ئامانج کرانە'

هەرپاسە جە دەعوەت نامەکەنە ئاماژە پانەیە کریان کە گەلو کوردی، عەرەب، ئێزیدی و مەسیحی ئەرەنیشتا سەرنیشتوو وەرکەوتوو سوریای. ئاڏي بە پاو پێوانو دیموکراتیکی سەرو بنەماو پێوەرە ژیوای گرڏو گەلا، پێکئامایە کلتووری و دادپەروەرییەکا پێوەرە مژیوا. جە نامەکەنە ئاماژە پانەیە کریان کە مۆدێلو سەرنیشتوو و وەرکەوتوو سوریای بە تایبەت جە دماو ساڵو ٢٠١٨ بییەن بە ئامانجو هرووژمە سەروازییەکا دۆڵەتو تورکی و چەتەکێ SNA و ئاماژە پانەیە کریان کە بە مەڵامەتو ئا هرووژماوە دۆخو ئارامی و ئاسایشو ناوچەکەی کەوتەن مەترسیۆ.

تاوانەکێ دۆڵەتو تورکی

جە دەعوەتنامەکەنە ئا تاوانێ دۆڵەتو تورکی کە ئامادێ کریێنێ و دادگا ئەوەکۆڵیایشا سەر مکەرۆ پاسێنێ:

- کوشتەو بەئەنقەسو خەڵکی

- بە ئامانج گێرتەو ڕۆنامەنویسا و سیاسەتمەدارا و تیرۆرکەردەیشا.

- بەئامانج گێرتەی چێرخانو و خەڵکی مەدەنی کە پەیوەسا بە ژیوای هاموڵاتیاوە پێسەو. (وانینکەی، نەوەشخانە، کارەبا، گاز، نەوتەو و سەرچەمەکا ئاوێ.

- بەکارئاردەو چەکی قەدەغەکریای (بەکار ئاردەو فسفۆری چەرمەی جە هرووژمە ئەرەگیرییاکانە).

- ئەشکەنجەدای و کردەوەی نامرۆڤانە.

- بڕفانا و خراپ مامەڵە کەردەی چنی هاموڵاتیا ناوچەکەی.

- جیاکاری و گۆشەگیری سیستماتیک دژ بە کوردا.

- ئاوارەکەردەو زۆرەملێ (جە عەفرین، سەرێکانی و ناوچەکێ تر).

- چەوەسنایۆ سیستماتیکی، کوشتەی و دەس درێژی کەردەی سەرو ژەنا.

- بەئامانج گێرتەی ژەنە سەرمەشقا و داکۆکیکارا مافو ژەنا بەمەبەسو تێکدای پێکئاما کۆمەڵایەتیەکێ.

- دلێنەبەردەو یاگە موبارەکەکێ و میراتو کلتووری ئێزیدییەکا.

دەعوەت نامەکە جەلایەنو مەدیا عەبداح جە سەنتەرو ئەوروپای پەی ئەوەکۆڵیای و پارێزناو مافەکا ژەنا، هایک گایسوید جە MAF-DAD و جەرەن ئۆیسال جە ELDH ئیمزاش سەر کریان.

پرۆگرامەکێ دادگای:

ڕۆژو یوەمی: ٥و شوباتی ٢٠٢٥

سەعات ٠٩:٠٠- ٠٩:٣٠: تۆمارکەردەو نامێ و ئەرەنیشتەی سەرەتایی

٩:٣٠-٩:٤٥: ئشناساو ئەنداما دادگای

٩:٤٥-١٠١٥: قسەکەردەو کەردەیۆ داواکاری گرڏی

١٠:١٥- ١٢:٣٠: یوەم ئەرەنیشتەو دۆسیەکەی

١:٣٠-١٣: ئەرەنیشتەو دووەمو دۆسیەکەی

سەعات ١٥:١٥- ١٧:٥٠: ئەرەنیشتەو یەرەمو دۆسیەکەت

ڕۆو دووەمی: ٦و شوباتی ٢٠٢٥

سەعات ٠٩:٠٠- ٠٩:٣٠: ئامادەکاری پەی ڕۆو دووەمی

٦:٣٠-١٠:٣٠: ئەرەنیشتەو چوارەمی (سەبارەت بە تاوانەکا)

 ١٠:٥٠- ١٢:٣٠: ئەرەنیشتەو پەنچەمو دۆسیەکەی

١:٣٠-١٣:٣٠: ئەرەنیشتەو ششەمو دۆسیەکەی

١٥:٠٠- ١٥:٣٠: لێدوانو دمای داواکاری گرڏی

١٥:٣٠- ١٦:٠٠: جواب دایۆ و شیکاری جە لە چوارچێوەو یاساو تورکیای

سەعات ١٦:٠٠- ١٧:٣٠: ئەرەنیشتەکا دادگای

سەعات ١٧:٣٠- ١٨:٠٠: ئەنجامە سەرەتاییەکێ