تایبەت بە ئەرەیاۋناکەو گەریلای، جە ئاستی مېیاننەتەوەیینە کاروەدایې گۊرە هەن
سەبارەت بە مەراسیمو ئەرەیاۋناو هێزەکاو گەریلای تایبەت بە پڕۆسەکەی، جە ئاستی مېیاننەتەوەینە کاروەدایې گۊرە هەن.
نوێکرایەوە
دماو بانگەوازەکەو ٢٧ـو شوباتو ڕابەر ئاپۆی، گرووپێوە جە گەریلاکاو پەکەکەی ۋێشا ئاماڎە مکەرا کە جە پانیشتوو کوردەسانینە ئەرەیاۋنێوە مڎا بە میدیاکا.
بەگوێرەو زانیارییەکا، دەم پارتی گرووپێوە ١٥ پەی ٢٠ کەسی جە چالاکا مافو مرۆڤی، پارتی سیاسی، نوێنەرو ڕێکوزیاکا گلېرگەی مەدەنی و ڕۆنامەوانا بەرۆنە مەراسیمو ئەرەیاۋناو پەکەکەی.
باس چانەیچە کریان، ئا ڕۊنامەوانې کە گەرەکشانە جە مەراسیمەکەنە ئاماڎې با متاوا داواکاریی پێشکەش بکەرا و سەرو ئەرکو ۋێشا بلانە شۊنەکې.
دماو ئەرەیاۋناکەو دەم پارتی، باس چانەی کریا کە جە جەمې ئەرەمەرزیې ئەرەیاۋنای دلېینەیۆ، جە نەتەوەیی و مېیاننەتەوەیی داواکاری پێشکەشکریان.
بەگوێرەو زانیارییەکا ۋەرپەرسا دەم پارتی، ژمارەو ئا ڕۆنامەوانا کە تا ئیساتې فۆڕمو داواکاریشا پەڕکەردەنۆ نزیکەو ١٠٠ کەسانې.
