چالاکی مەدەنی، مافو مرۆڤ و ژیۋگە پارێزنو کوردی ئیحسان خالیدی تەمەن (٣٣) ساڵ کە خەڵکو دەگاو ساتیاری سەر بەشارو پاوەو ۋەرکۊتوو کوردەسانیا. چڼین ساڵۍ پېسە چالاکێوە جە پارێزگاو کرماشانی ۋێبەخشانە چا مەجالەنە هەرمانەش کەرڎێنە.

ئیحسان خالیدی بەمەڵاموتو فشارو مېیانە ئەمنییەکا دۆڵەتو ئێرانی، بەتایبەت دماو شۆڕشو 'ژەنی، ژیۋای، ئازادی' جە ئەیلولو ٢٠٢٤ینە بەمەبەسو پارېزنای گیانیش ڕوو مەکەرۆ ئەمریکا و داواو مافو پەنابەری مەکەرۆ. نامبریا و چڼین زینانیۍ تەرۍ جە زینانو لویزیانایی ئەمریکای زینانیێنۍ و تەرسەو دیپۆرتکەردەیۊیشا سەرا.

بەپاو ڕێکوزیاو پەشتیوانی پەنابەرا ئاژەو ئیحسان خالیدی جە زینانەنە خراپا و هامشێوەو کەسانۍ تاوانباری مامەڵەشا چنی مەکریۆ، پەی ئی مەبەسیچە بنەیانەکەش داواو پەشتیوانیشا جە گرڎو ڕێکوزیا مەدەنی، ژیۋگەپارێزنۍ و مافەکا مرۆڤی کەردەن، پەی ئاژەو کوڕەکەیشا.