ناوەندوو چاند و هونەروو وەرکەوتوو کوردستانی، تەڤ-چاند پەرسەنامێوەش پەی کۆچی دمایننوو هونەرمەند جەمیل نەوسوودی وەڵا کەردۆ جەدەسدای ئا هونەرمەندەیشە بە کۆس و زەرەێوی گەورە پەی هونەر و ڕەسەنایەتیی هەورامانی نامێ بەرد.
پەیامەکەو ناوەندوو چاند و هونەروو وەرکەوتوو کوردستانی، کە سەر بە جمیەروو چاند و هونەروو ئەورووپا (تەڤ-چاند)ین ئامان: " کۆچی دماینوو نەوسوودیی زەرەێوە گەورەن پەی هونەر و ڕەسەنایەتیی هەورامانی و کوردستانی و قەرەبووکەردەیۆش ئەسەما".
دەقوو پەیامەکەی:
هونەرمەند جەمیل ئەحمەدی ئشناسیا بە (جەمیل نەوسوودی) خەڵکوو شاروو نەوسوودەو هەرێموو هەورامانی، کۆچی دماینش کەرد.
جەمیل نەوسوودیی، ئەوەڵوو گەنجیشۆ تا کۆچی دماینش کەرد، خزمەتوو هونەری ڕەسەنوو هەورامانی و کوردستاندینە بێ و بواروو دەنگواچی و گۆرانیانە بەگردین و سیاچەمانە بەتایبەتی، بە هونەرەکەیش خزمەتێوە گەورەش بە ڕەسەنایەتیی هەورامانی و کوردستانی کەردەن. کردوە. چا چوارچوەنە، ساعیبوو سەدان گۆرانییا و سیاچەمانە ناوازان.
هونەرمەند جەمیل نەوسوودی شانە بەشانەو گەورەهونەرمەندای تەروو هەرێموو هەورامانی بەتایبەت (عوسمان هەورامی، حەمەحسێن کێمنەیی، شەفیع کێمنەیی) گۆرانیێ و هونەری ڕەسەنوو هەورامانیشا یاونا لووتە و بە پایەکاو گۆرانیێ و سیاچەمانەی دێرین و ڕەسەنوو هەورامی مژماریا. پەوکای کۆچی دماینوو نەوسوودیی زەرەرێوە گەورەن پەی هونەر و ڕەسەنایەتیی هەورامانی و کوردستانی و قەرەبووکەردەیۆش ئەسەما.
تەڤگەروو چاند و هونەروو ئەرووپا (تەڤ-چاند)ی .
ناوەندوو چاند و هونەروو وەرکەوتوو کوردستانی".
