نوسینگەو ژەنا تەڤگەرو گلێرگەو دیموکراتیکی (تەڤ-دەم) دەربارەو سەپناو قەرارو جەقەنارەدای پەخشان عەزیزیێ جە لایەن دادگاو ڕژێمو ئێرانیۆ ئەرەیاونێوە نویسیاشا وەڵاکەردۆ و دلێشەنە بانگەوازش جە ڕێکوزیا مییاننەتەوەییەکا مافەکا مرۆڤی و ڕێکوزیاکا ژەنا کەرد دژو سزاو جەقەنارەدای پەخشان عەزیزیێ هەڵوێس هۆرگێرانە.

ئەرەیاوناکەینە دەستنیشانکریان قەرارو جەقەنارەدای بییەن بە یاگێ نیگەرانی گرڏو خەباتکارا مافەکا مرۆڤی و ئامان: "ئی قەرارەو ڕژێمو ئێرانی بە شێوەن جە سیاسەتەکا وەڵاکەردەیۆ تەرسێ و سەرکوتکەردەی دماو سەرهوردای 'ژەنی، ژیوای ئازادی'یۆ."

ئەرەیاوناکەینە دەستنیشانکریان ئی قەرارێ ڕژێمو ئێرانی دژو چالاکوانا مافەکا مرۆڤی پەخشان عەزیزیە ئینا جا چوارچێوەنە.

هەر جە ئەرەیاوناکەینە قەرارەکە شەرمەزار کریان و ئی بانگەوازە جە گلێرگەو مییاننتەوەیی کریان: "گرڏو دەرفەتەکێ وێشا پەی ڕزگارکەردەو ژیواو پەخشان عەزیزیێ وسا کەڕ، چونکە بێدەنگی بۆ بە مەڵامەتو ئانەی گرڏ وەختێنە سزا جەقەنارەدای جابەجێ کریۆنە."