"ڕاپیمای گۊەرو ئازاڎیی" پۍ ئازاڎیی جەسەیی ڕابەروو گەلوو کوردی عەبدوڵا ئۆجالانی جە بەینوو ١پۍ ١٥و شوباتینە بە سەرمەشقایەتی ڕێکوستەیە گلێرگەی و دیموکراتیکەکا ملۆڕاوە، جە شارەکاو قەرسی و وانینە دەس پنەکەرۆ. تەسەور کریۆ بەشداریۍ فرەی جەماوەری جە ڕاپیماکەینە کریۆ. حەرپاسە ٧٥ چالاکۍ مافەکاو مرۆڤی بەشداری کەرا.

ڕاپیماکەی بە دووۍ قۆڵۍ ئەنجام مڎریۆ. قۆڵێوەشا جە قەرس و قۆڵێوەشا جە وانۆ ملۆ و جە دەگاو ئاماراینە جە ڕحا دمایش پنە مۍ.

چەمەڕاو گەلەکەیمانمۍ

هامسەرۆکەو گرڎینەو دەم پارتی تولای حاتەم ئۆغۆللاریە جە قۆڵوو قەرسینە جە ڕاپیماکەینە ئاماڎۍ بۆ، داواو بەشداریکەردەیش جە ڕاپیماکەینە کەرد.

ئاماژەش پانەی کەرد پۍ چارەسەروو سیاسی پرسوو کوردی و ئازاڎیی ڕابەروو گەلوو کوردی عەبدوڵا ئۆجالانی و ماڕای گۆشەگیری سەوای گنا ڕا، بە مەڵامەتوو چارەسەرنەکەردەی پرسوو کوردیوە، ئێش و ڕێشی فرە ئامێنۍ وەڵۍ، واتش: "ئێمە جارێوەتەر چێوە داوا کەرمۍ، وەڵۍ ئانەی ئاژێوە مەترسیڎار جە مانگرتەکا جە واردەی ڕووە بڎۆ، هومێڎەوارەنا ڕێوە کەراوە. ئێمە پۍ ئینەی دەسما بەڕاپیمای ئازاڎیی کەرد. داوا جە گەلەکەیما کەرمۍ پەشتیگیری و پەشتیوانی نیشانە بڎا".