هامسەرۆکۊ و گرڏی دەم پارتی تولای حاتەم ئۆغوللاریە ئەرەیاوناش، ئەر پەی ئاشتیی بەرە و ئیمراڵی کریۆوە، ئانە دەرفەتی دروس و حەقەتینە پەی ئاشتی وەش بۆنە و واتش؛ "مشۆم کەردەیۆ بەرە و ئیمراڵی بۆنە بە سردێوە پەی ئاشتی."
هامسەۆکۊ و گرڏی پارتو یەکسانی و دیموکراسی گەلا (دەم پارتی) تولای حاتەم ئۆغوللاریە جە گلێرۆبییە و پارتەکییشەنە جە پەرلەمانو تورکیاینە هورسەنگنایش پەی ڕۆژەڤ و پێشئامایەکا کەرد و پەیوەس بە جەنگو ئیسرائیل-ئێرانی ئاماژەش پانەی دا فرە بە ڕۆشنی جە دژو جەنگو و گرژییەکا ناوچەکەینێ و واتش: "ئی جەنگە واوەی نیشانەش دایمێوە ئاشتی پەی هەرێمەکەی چن گرنگا. بێگومان ئاشتی جە تورکیانە تاوۆنە ئێر و جەنگی جە هەرێمەکەنە خامۆش بکەرۆ."
واتیشش: "ئێژا باخچەلی کە ماچۆنە با پڕۆسەکە بە خێرای بلۆ ڕاوە فرە گرنگا. گەل بە مافداری ماچانە 'نیگەرانییەکێما پەشگۆش وسیانە.' حکومەت و دۆڵەت ئی نیگەرانیا گلێرگەی مەوینانە. پەنەواز مکەرۆ ویناش. جە تورگوتلو جە مانیسا خونکارێ ئامادەیی بەمەڵامەتو بەرزکەردەیۆ دروشمی 'ژەنی، ژیوای، ئازادی' باڵبەسکریا. ئینە جە کاتێنە ڕووەشدا کە باسو ئاشتی کەرێنمئ.
ئێژا ئۆجالان، ئێمە و گرڏ کەسێ داواما هەنە. ئاریش وەشکەردە و کۆمیسیۆنین جە پەرلەمانەنە. ئایا ئی کۆمیسیۆنە کەی وەش کریۆنە؟ زانیارییما هەن کە ئێژا کورتولموش چنی سەرۆکو فراکسیۆنەکا پارتەکەی گلێربۆوە. ئینەیچ چێوێ ئەرێنییا. هیواڏارێنمێ ئەنجامی ڕۆشن بەر گنۆنە. ڕاو ئاشتی بە بوێری و ئیرادە سەرگنۆنە.
یۆ جە بابەتە گرنگەکا ڕا دریۆنە قسێ بەردەوامێ چنی ئێژا ئۆجالانی کریانە. گرڏ کەسێ گەرەکشا چنیش دیدار بکەرۆ. جە چن ڕۆی ئایندەنە شاندێوە گۆرە جە ئەوروپانە بە مەبەسو دیداری مەیا تورکیا. بەرە و ئیمرالی کەردێوە با ئێژا ئۆجالان چنی ڕۆشنبیران و یاساناسا، ئەکادیمیستەکا و سیاسەتمەدارا وڵاتی و چبەر و وڵاتی گلێر بۆوە. ئەر بەرەکا ئیمرالی کریاوە دەرفەتو ئاشتی زیاتەر بۆنە.
پەنەواز مکەرۆ پەرلەمان بە گرڏ و توانایشۆ هەرمانە بکەرۆ
پێسە و دەم پارتی داوا جە پەرلەمانی مکەرمی کە با نەوسیۆرە هەرپاسە با کەس ئیسراحەت هورنەگێرۆ. پەنەواز کریۆ با پەرلەمان ٢٤ سەعاتێ هەرمانە بکەرۆ، ، با دەمودەس پەی ئا ١٠هەنگامێ گلێر بۆوە. پەی دابینکەردە س مافو کرێکارا، ئانێ بە کەمترین مووچە هەرمانە مکەرا، ئانێ مشۆم خانەنشین کریانە، هەژاری کەمکریۆوە، یاساکا فاڕانە و دمای بەگەندەڵی جە باجەنە بارانە، سیستەمێوە جابەجێ بکەرا. با جە بودجەو گردینە قەرزو ئا بنەیانا دریۆوە کە داهاتشا ئینا وارۆ، هەرپاسە قەرز و قازانجو جووتیارا کوڵانە نازاوە. با پەنەوازییەکا میلیۆنان زاڕۆڵا ئاورای دابین بکەرمێ کە مەجبوورێنێ هەرمانە بکەرا. با ڕێژەو ئیسفادە لەردەی کەم کریۆوە، هاموڵاتیا دڵوەش بکەرمێ. با تورکیای جە تەوقە و بەرژەوەندی ڕزگار بکەرمێ. هەرپاسە با فرە و یاساکا هەموار بکەرمێوە و کۆمیتێوە ئەخلاقی سیاسی بنیات بنییەیمێ."
