ئەرەنیشتۍ دەرباسیەی جە کانتۆنو حەسەکەی، داواو ئازاڎیی جەستەیی ڕابەرو گەلوو کورڎی عەبدوڵا ئۆجالانیشا کەرڎ و جەختشا کەرڎۊ، مشۊم ڕێکوزیا میان دۊڵەتییەکۍ بێدەنگی ماڕا سەبارەڎ بە گۆشەگیری.
ئارۊ دەیان کەسۍ جە ئەرەنیشتا دەرباسیەی جە کانتۆنو حەسەکەی بە ۋېنیشاندایۍ گۆشەگیری سەرو ڕابەرو گەلوو کورڎی عەبدوڵا ئۆجالانیشا شەرمەسار کەرڎ.
ئەرەنیشتۍ مەنتیقەکەی و ئەنڎاما ئەرەمەرزیا و مەجلیسەکا بەشڎاری ۋېنیشانداکەیشا کەرڎ. ۋېنیشانداکەی جە چۋار ڕاو گاردینیای دەسشپنەکەرڎ و دماتەر کۊتۍ ڕا پۍ بازاڕو ناوەنڎی مەنتیقەکەی، چنی ۋاتەیۊ درووشمەکا "بژیۋۊ ڕابەر ئاپۆ" و "بۍ سەرۆکی ژیای مەبۊ". حەرپاسە بەرزکەرڎەیۊ ۋێنەو ڕابەرو گەلوو کورڎی عەبدوڵا ئۆجالانی و لافیتەکۍ بە درووشمەو "ڕێکوستەی ژەنا جوابا پۍ هجومەکا ئەرەگیری".
دماو یاۋایشا بە ناوەنڎو بازاڕی ، ۋېنیشانداکەی فاڕیا پۍ گلېرۊبیەی جەماوەری، قسەکەرو کۆنگرەو ستاری 'ڕەیحانە لۆقۆ' قسېش کەرڎۍ و، چنەشەنە گۆشەگیری سەرو ڕابەرو گەلوو کورڎی عەبدوڵا ئۆجالانیش شەرمەسارکەرڎ، ۋاتش: "گېرتە و گۆشەگیرکەرڎەی ڕابەر ئاپۊی جەلایەنو دەوڵەتو تورکیوە، تەرسینە جە ۋەڵابیەیۊ هزرو ئاڎی کە ئیسە جە تەمامو جەهانینە ۋەڵابیەنۊ".
ڕەیحانۍ بێدەنگی هێزە میان دۊڵەتییەکا و ڕێکوزیاکا مافو مرۆڤیش وەران ۋەر بە گۆشەگیری شەرمەسارکەرڎ، جەختش کەرڎۊ، بەڵگەن پۍ بەشڎاربیەیش چی پاشێلکارییانە.
ۋېنیشانداکەی بە درووشمو ستایشکەرڎەی مدرامانو ڕابەرو گەلوو کورڎی عەبدوڵا ئۆجالانی دمایش پنە ئاما.
هـ . ش
