١٥و ئایاری ڕۆو زوانی کوردی جە شارو بازەلو سویسراینە بە جۆشۆ پیرۆز کریا. مەراسیمەکە جە تەلارەو کۆنفرانسو مېیانو گلېرگەی دیموکراتیکی کوردی (نەجەدەکە)ی جە بازەل لواڕاوە و جە لایەنو ئەنجومەنو ژەنا ڕۆناهی و کۆمیسیۆنو کەلتووری نەجەدەکەیۆ سەرمەشقی کریا.

جە مەراسیمو جەژنەو زوانی کوردینە هۊنیۍ، شانۆ و ئاواز پێشکەش کریۍ و جەخت سەرو گرنگی ئەوەکۊشای جە سیاسەتەکا تاونایۆ و قەڎەغەکەردەی زوانی کوردی کریاوە. بەشدارا بە سەماکەردەی، دروشم واتەیۆ، وتار پێشکەش کەردەی دڵسۆزی ۋێشا پەی زوانی ئەڎایی نیشانەدا.

جە مەراسیمەکەنە کوڵە ڤیدیۆیۍ جە لایەنو کۆمیسیۆنو کولتوورییوە سەبارەت بە ئاستەنگی و قەڎەغەکەردەیەکا زوانی ئەڎایی جە زینانەکا تورکیاینە نمایش کریا.

هەرپاسە جە میانو مەراسیمەکەینە ئەنستیوتی کوردی سویسرای به بەرشیا خولو زوانی کوردی بڕوانامەش پێشکەش کەرڎ، دماتەر مەراسیمەکە بە پێشکەش کەردەی میوزیک و ئاوازی و بە هۊرپڕای دمایش ئاما.