واتەواچەو پارتو دیموکراسی و یەکسانی گەلا (دەم پارتی) پێوەس پا ڕووەدایا جە ئیسەنە ئینۍ ئارانە جە مېیانو گرڎی دەم پارتینە قسێش کەردۍ.

ئایشەگوڵ دۆ‌غانە یاڎو ئا کەساشە کەرڎۆ کە جە کۆمکوژی ١٩٧٨و دێرسیمینە جە گێرتەخانەکانە کۆمکوژۍ کریۍ. جە بەردەوامیینە ئایشەگوڵ دۆغانە یاڎو ئەڎا تایبەت ئینانێش کەرڎۆ کە جە کاتو قەڎەغەکەردەی ئاماو لواینە جە ١٤و کانوونو دووەمو ٢٠١٥ ینە جە سلۆپی شڕنەخی گەشمەرڎۍ کریا.

هەر جە قسەکاشەنە ئایشەگوڵ دۆغانە سەرنجش وست سەرو پێشئامایەکا سووریای و داواش جە کاربەدەسا دۆڵەتو تورکی فاشیستی کەرد ڕای ڕۊشنەو دیموکراتیکی و یەکسانی دیالۆگی چنی کوردا بکەراوە. جەختش کەرڎۆ پېسە دەم پارتی هەرچی پەنەواز بکەرۆ چا ڕوۆ ئاماڎێنۍ ئەنجامش بڎا.

دۆغانە ئاماژەش پانەیچ کەرڎ بە هیچ جۊرۍ سەرنیشتوو ۋەرکۆتوو سووریای یاگۍ تەرسۍ نیەنە پەی سەرو تورکیای و جەختش کەرڎۆ جە پەنەوازی کەردەی بەرەو دیالۆگی چنی ۋەرنیشتی.

دۆغانە ئاماژەش بە دەسوەڵێوستەکەو مەزڵوم کۆبانێ کەرد و دەسنیشانش کەرڎ ئا دەسوەڵێوزیە پەی سەقامگیری ئاسایشو تورکیای گرنگا و واتش: "عەیامێوەن جگە جە دیالۆگی هیچ داوێوە تەر نەکریان. بەڵام تورکیا گەلەکەیش هۆرخەڵەتنۆ هێزەکاو ۋەرنیشتی پېسە مەترسی  ئاسایشو نەتەوەیی نیشانە مڎۆ."

جە دمایی قسەکاشەنە ئایشەگوڵ دۆغانە دەسنیشانش کەرڎ هەڵای گۆشەگیری بەردەواما و ئاماژەش بە هەڵوێسو شالیارو دادی کەرد پانەی کە ماچۆ چەمەڕاو کاتۍ گونجیاینمۍ' پەی پێوەس پا مژاریە. دۆغانە جەختش چانەی کەرڎۆ ئی هەڵوێسە جەختکەردەیۆن سەرو بەردەوامیدای بە گۆشەگیری و ئینەش وات: "ڕێبازو ڕاسی تورکیای ئانەنە مشۆم جە دلێینەنە گۆشەگیری لابریۆ، ئا ڕۍ بکەرۆوە کە بەرەو ئێژا ئۆجالانی ملۆ، پەی چارەسەری دیموکراتیکی پرسو کوردی گنۆ هەوڵدایۆ و جە زێڵێوە چنی کوردا هامسای پەرە بە دیالۆگێوە بڎۆ."