وەزیر وەعدەکاش نەبەرۆ سەر، ئەمینە شەنیاشارە دەس بە چالاکییەکەیش کەرۆوە
وەروو ئانەیە وەزیروو دادی وەعدەکێس نەبەردێ سەر، ئەمینە شەنیاشارە یوە جە سیمبولەکاو چالاکیی ئێشکگێریی دادپەروەری ئەرەیاوناش، واوەی دەس بە چالاکییەکەیش کەرۆوە.
ڕۆو ١٤ حوزەیرانوو ساڵەو ٢٠١٨، کەسوکار و پاسەوانەکاو ئیبراهیم خەلیل یڵدزی، پەرلەمانتاری وەڵینوو ئاکەپەو ڕحای، پیرسوسنە هجوومسا کەرد سەروو بنەیانەو شەنیاشاری. چا هجوومنە مێردەکەش و دووێ کوڕێ ئەمینە شەنیاشارێ کوشیێ. ئەمینە شەنیاشارە و کوڕەکەش پەرلەمانتاروو پارتوو یەکسانی و دیموکراسیی گەلا (دەم پارتی) فەرید شەنیاشار، ٩و ئاداروو ٢٠٢١یوە وەردەموو دادگاو ڕحاینە دەسشا بە ئێشکگێریی دادپەروەری کەرد، پەی ماوێو چالاکییەکەشا فاڕاوە پەی وەردەموو وەزارەتوو دادوو ئەنقەرەی. سەروو وەعدوو وەزیری بنەیانەکە کوچیو جە چالاکییەکەیسا مردێ. بەڵام کە وەعدەکێ نەبریێ سەر بنەیانەکە قەرارشا دا دەس کەراوە بە ئێشکگێری.
بنەیانەو شەنیشاری پی بۆنەوە قسێسا کەردێ پەرلەماننە، فەرید شەنیشار تیشکەش وستە سەروو چالاکییەکەیشا و وەعدەکەو وەزیری و دماو ئانەی وەزارەت واتەبێشا " کەمێو ئارام گێرا" ئەداش قەرارش دا نەشتەرگەری کەرۆ وچانیوە بدۆ بە چالاکییەکەی. بەڵام ٥ مانگێن هیچ فاڕیاێوە ئەرێی ڕووەش نەدینە و مافوو تەلەفۆنکەردەی حەفتانە چەنی فازڵ شەنیشاری برایش، کریان بە دووێ هەفتێو جارێو.
شەنیاشارە واتش پی بۆنەوە چەنی ئەدێش قەرارشا دان ڕۆو ٥٠هەمینینە، درێژە بە چالاکییەکەیشا بداوەردەموو وەزارەتوو دادینە. شەنیاشارە واتش: "ئارۆ ئەدام وەردەموو وەزارەتوو دادینە ڕۆچەکێما ماڕمێ، ئا دادپەروەرییە ئەدام داواش کەرۆ پەی گردلاێوەن و ڕوێ مێ وەرۆ بۆ بە پەنەوازیی گردلاێوە. چی قۆناغەنە ئێمە خاوەنداری وەنەو کۆشیای رەواو ئەدێ کەرمی و دمایی بە نادادیی مارمێ."
