یەرەمین ساڵڕۆو ئەوەتەقایۆ و مەجلیسو گەلو سنونێ شەنگالینە، کە بەر کەوت کە جەلایەن و سیخوڕەکا پەدەکەی و میتیۆ ئەنجامدریان و جە ئەنجامەنە سەلاح شڤان خدر(زاڕۆڵە) و ئیبراهیم دەروێش گیانشا جەدەسدا، بەیاننامێوە ونریاوە.

ئەندامێ ئەرەمەزیێ و ڕێکوزیاکا ئیدارەو ویڕاوەبەری شەنگالی جە مەجلیسو گەلوو سنونێ گلێرێ بیێوە و بەیاننامێوەشا واناوە و بەڕێزدارییۆ یاڏ و قوربانیا تەقینەوەکەیشا کەردۆ بەیاننامەکە جەلایەن و خەڵەف قاسمی، ئەندامو مەجلیسو گەلوو سنونێ و یۆ جە زامڏارەکا تەقینەوەکەی ونریاوە.

خەلەف قاسم سەرەتا بە ڕێزدارییۆ یاڏ و گرڏ و گەشمەرڏا ئیزدخانیش بەرز ڕاگێرت و وات: "جە تارێخەنە بەمەڵامەتوو ئانەی گەلسس ئێزدی ڕەتشاکەردەنۆ کۆیلێ بانە و دەسبەردارو  ویر و ڕاکاشا بانە، هەمیشە هرووژم کریان سەرشا. ئێمە جە سەیە و گەشمەرڏاما وە وەڵێ کەوتیمێ و وێما بەڕێکوزتەی کەردەن، پحکەی قەرزار و گەشمەرڏامانێمێ، جە تاریخو ئێزدییەکانە بەردەوام قوربانیسا دان و هەرگیز شکستشا ناردەن. بەڵام جە ئیسەنە ئێزدییەکێ پەی ماف و دادپەروەری وێشا ئەوەکۆشای مکەرا و ئینەیچ سەیە و گەشمەرڏەکاماوە. ئەر ئارۆ ئێزدییەکێ ناوبانگشا هەن، دیسان سەیە و گەشمەرڏەکاماوە. ئێمە قەولمرەیمێ تا دمای سەر و ڕا  و ئارمانجو گەشمەرڏاما درێژە بە ئەوەکۆشایشا مرەیمێ."