هامسەرۆکەو فیدراسیۆنوو جەمەکا پەشتیوانی یاسایی چنی بنەیانەو زینڎانیا و زینڎانیا- مێد ( MED TUHAD-FED)ئامینە کایۍ واتش: "حەرچنڎە فشار و ئاستەنگیەکۍ فرێنۍ، ئێمە جە ڕاپیمای ۋێما بەردەوامێنمۍ و مشۆم گرڎ کەسۍ بەشداربۆ چی مدرامانە تاریخیەنە".
ڕاپیمای گۆرەو ئازاڎیی' کە پۍ ئازاڎیی جەسڎەیی ڕابەروو گەلوو کوردی عەبدوڵا ئۆجالانی و چارەسەرکەردەی کێشە سیاسیەکا کوردی جە ڕاو دیموکراتیکیۆ، دەسشپنەکەردەن و تا ١٥و شوباتی بەردەوام بۆ. هامسەرۆکەو فیدراسیۆنوو جەمەکا پەشتیوانی یاسایی چنی بنەیانەو زینڎانیا و زینڎانیا مێدی- MED TUHAD-FEDئامینە کایە کە جە قۆڵوو وانیۆ ڕاپیماکەینە بەشدارە بیێنە جە بارەو ڕاپیماکەیۆ پۍ ئاژانسوو هەواڵوو فورات (ANF)ی قسێش کەردۍ.
بەردەوامۍ بیمۍ حەتا گۆشەگیری ماڕمۍ و دەس جە قەزیەو ۋێما وەر مەڎەیمۍ
ئامینۍ باسش چانەی کەرد گۆشەگیری تاوانەی دژ بە مرۆڤایەتییەنە و واتش: "سیاسەتوو گۆشەگیری کە سەروو کوردا و گەلا ۋەرکەوتوو دلێڕاسەیرە چەسپیان. ئیسە دەسەڵاڎداری ئا جەنگەیە کوردسانەنە وەڕاوەبەرۆ. ۋەران ۋەر پی سیاسەتەیە بەردەوامۍ بیمۍ جە ڕاپیمای و مدرامانی، هەتا لابەردەی گۆشەگیری سەروو بەڕێز عەبدوڵا ئۆجالانی بەردەوامۍ بیمۍ. ئانۍ کە گەرەکشانە ئاستەنگ پۍ ئی خەباتەیما وەش کەرا، مشۆم عال بزانا، چنی گەلوو ۋێما دەس چی قەزیۍ ۋێما وەرمەڎەیمۍ".
پێوەرە ژیۋایۍ بە حورمەت بنیاڎ منیەیمۍ
ئامینۍ باسش چانەی کەرد، کە دەسەڵات ئاستەنگ پۍ ڕاپیماکەی وەشکەرۆ و واتش: "سەرەڕاو ئاستەنگکەردەی ڕاپیماکەی، جە ڕاپیماو ۋێما پۍ ئازاڎیی بەردەوامێنمۍ. پرسوو گۆشەگیری تەنیا پرسێوە نیا تایبەت بۆ بە زینڎانیا سیاسی، ئەڎایا ئاشتی و ئێشکگیری دادپەرەوەری. پۊکاتی مشۆم گردما بەشدارۍ بیمۍ و خاوەنداری چی پرسەیە کەرمۍ. هەر چێوێما دەسەنە مۍ مشۆم کەرمێش. پی جۊرە متاومۍ گۆشەگیری لابەرمۍ. مشۊم گرڎوو گەلا ۋەرکەوتوو دلېڕاسەی پەشتگیری ڕاپیمای ئازاڎیی کەرا، پێوەرە دژوو ستەمی مردمێوە، پێوەرە ژیۋایۍ بە حورمەت بنیاڎ بنیەیمۍ".
وەخت وەختوو کۊشیایا
ئامینۍ بەردەوامیش بە قسەکاش داو واتش: "جە هەمانوەختەنە ئی ڕاپیمایە، ڕاپیماو گەلا کۊششکارین دژوو فاشیزمی. گەلوو کوردی قوربانی گۊرەش دان چی ڕوۆ، مشۆم گرڎ کەسۍ پی ۋەرپرسیاریە هۆربێزۆ. وەخت وەختوو کۊشیاین، وەختوو یۊبیەیا. هەتا دمایی کۊشیای ڕەوا و مافدارما بەردەوامی پنەمڎەیمۍ. پۍ سەروستەو ئی کۊشیایە مدرامان کەرمۍ".
