ڕۊنامه‌نویس، ڕزگار ئاسۊ بە ئاماژه‌دای به فرەبییەی هجوومەکاو ده‌وڵه‌توو توركی ئەرەگیری دژوو هێزه‌كاو گه‌ریلای واتش: جە ئەوەڵوو جەنگیوە تا ئارۊ، هێزه‌كاو گەریلای به پەشتیبه‌ستەی به ته‌كنۊلۊژیای و تاكتیكی نۊعاونۊعی تاوانشا گورزی قورس بڎا وەنەو دوژمنی.
ڕۊنامه‌نویس، ڕزگار ئاسۊ باره‌و زیادبییەی هجوومەکاو ده‌وڵه‌توو توركی ئەرەگیریوە پەی سه‌روو هه‌رێمه‌كاو پارێزنای مێدیا و دۊخی و ئۊپه‌راسیۊنه‌كاو جوابڎایۊ گه‌ریلای وەراوەروو ئا هجوومانە، به‌تایبه‌تی ئۊپه‌راسیۊنه‌كاو گه‌ریلای ڕۊو ٢٩ حوزه‌یرانی جە مەنتێقەکاو خواكوركی و زاپی کە کریۍ، قسێش پەی ئاژانسه‌كهی‌مان كەرڎۍ.
ئاسۊ كه جه ڤیدوێوەنە جە هه‌رێمه‌كاو پارێزنای مه‌دیاینە بارڎۊخوو ئا مەنتێقا ڕۊشن کەرۊوە ماچۊ:
هجوومە‌كاو ده‌وڵه‌توو توركی ئەرەگیری پەی سه‌روو هه‌رێمه‌كاو پارێزنای مێدیای جە پانیشتوو كوردسانی و مەیدانەکاو مدرامانوو هێزه‌كاو پاریزنای گه‌لی به‌رده‌واما. جە رووە وەڵینەکانە به پاو ئانەیە نزیکۊ وینمێش، ژماره و هەسیی ئا هجووما جە مەنتێقەو وەرنیشتوو زاپی، یانۍ مەنتێقەکاو گەشمەرڎە ده‌لیلی و سیدای فرەتەر جە یاگەکای تەری بییەن. وەراوەریچنە هێزه‌كاو پارێزنای گه‌لی وه‌رپه‌رچوو ئا هجووماشا دانۊ. جە ئەوەڵوو جەنگیوە تا ئارۊ هێزەکاو پارێزنای گەلی بە پەشتیبه‌ستەی به ته‌كنۊلۊژیا و تاكتیكی فاڕیای تاوانشا گورزی قورس وەنەو سوپاو توركی ئەرەگیری بڎا. چانیشایچ متاومۍ ئاماژه به تاكتیكوو تیمی گێڵەروو گه‌ریلای بده‌یمۍ، ئا تیمۍ کە تاوانشا دەورێوە كاریگه‌ر و گه‌وره له پارێزنای تونێلا و سه‌نگه‌ره‌كاو مدرامانوو هێزه‌كاو پارێزنای گه‌لی جەنگنە گێڵنا و تاوانشا گورزی قورس جە سوپاو توركی ئەرەگیری بڎا. پەی نموونەی ڕۊو ٢٩ حوزه‌یرانی دووۍ ئۊپه‌راسیۊنۍ جە دووۍ مەنتێقە جیاوازانە و به به‌كارئارڎەی دووۍ تاكتیكە جیاوازا لاو هێزەکاو پارێزنای گه‌لیوە، به‌ڵگه‌ن پەی سەلەمنای ئانەیە کە ئینسان گه‌وره‌تەرین ته‌كنه‌لۊژیان و متاوۊ وەراوەروو ته‌كنه‌لۊژیایۊ جە گرڎ بارڎۊخ و شۊنیوەنە وێگێری و کۊشیای کەرۊ.
هێزه‌كاو پارێزنای گه‌لی و تیمه گێڵەرەکێشا تاوانشا ڕۊو ٢٩ حوزه‌یرانی، مەنتێقەو خواكوركینە به به‌كارئارڎەی چه‌كی قورسی و هه‌مان ڕۊیچنە مەنتێقەو زاپینە جە ڕاو تاكتیكوو نیشانەماڕیوە گورز جە سوپاو توركی ئەرەگیری بڎا. ئۊپه‌راسیۊنه‌كاو ڕۊو ٢٩ حوزه‌یرانی به بۊنه‌و خێرامای ڕۊو ٣٠ حوزه‌یرانیوە بۍ، كه جە تاریخوو كۊشیای كوردینە ڕوۍ یاگەدارا، کە جە راو گەریلایۊ ئشناسیان و کریان. ڕۊو ٣٠ حوزه‌یرانی ڕۊو گیانبازیی زه‌ینه‌ب كناجی-ێن، كه دلۍ كوردینە به (زیلان)ە ئشناسیێنە. زیلانە چاڕووەنە به به‌ختكەرڎەی گیانیش و گەشمەرڎەبییەیش، تاواش ڕوۍ تایبەت بە كۊشیای گه‌لوو كوردی و كۊشیای ئازادیی ژەنا و ژیوای ئازادی پەی كورده‌كا و گه‌لای تەریچ زیاد کەرۊ.
س.ز
