گرڎ ئاماڎەکاریۍ پەی بیرۆزکەردەی ٤و نیسانی بە چالاکی تازەو و جیاواز مکریۆ. گرووپو ئاوازو چیای کە جە ئاماڎەکارییەکاشەنە پەی ٤و نیسانی ئەرەیاۋناش بە هونەر و ئاوازو ۋێشاوە ٤و نیسانی پیرۆز مکەرا.
گرووپو ئاوازو چیای جە ئاماڎەکارییەکاشەنە پەی پیرۊزباییەکا ٤و نیسانی ڕۆو بیەو ڕابەر ئاپۆی. جە بارەو ٤و نیسانیوە گرووپەکە واتش: "ڕۊبیەو ڕابەر ئاپۆی ماناڎاریێوە تایبەتش هەن پەیما" و ئاماژەش پانەی دا چالاکییەکا بە مۆراڵو نەورۆزیوە موییەرنا.
ئارمانج: جە گرڎوو کوردەسانینە نەورۆز بە جۆشێوە گۊرۆ پیرۆز کریا. ئەوەڵجارا نەورۆز ئاڼە بە کەیفۆ پیرۆز مکریۆ. سەرەنج کېش بۍ. گەلو کوردی بەرەوو ئازادی هەنگامە منیۆ. ئامادەکارییەکېما هەم پەی نەورۆزی و هەم پەی ٤و نیسانی ڕۆو بیەو ڕابەر ئاپۆی بۍ. پېسە گەریلاکاو ئازادی کوردەسانی بەشداری پیرۆزباییەکا بیمۍ. ٤و نیسانی پەی ئێمە ڕوێوە پیرۆزا. ژیۋایۆ گەلو کوردی و سرووشتیا. پۊکەی دلې زېڵۍ گەلو کوردینە ئاسوودەی و وەشی مارۊنە ئاراوە.
هیواڎارێنمۍ بەرنامەکېما ڕەنگدایۆ ڕوحو گرڎیما با. پېسە ئاوازو چیای ئاماڎەکارییەکۍ ۋێما کەردێنۍ. جە کاتو پرۆڤەینە دڵوەشۍ بێنمۍ، چوونکی چا ڕووە تایبەتەیە بینمێوە. هامشێوەو نەورۆزی بە جۆش و خرۆشۆ بەشدارۍ بیمۍ.
نەورۆزو ئېساڵی بی بە نەورۆزو ڕابەرایەتی
هەدار: جە ئیساتێنە ٤و نیسانی پیرۆز مکەرمۍ. پېسە مزانیۆ نەورۆزو ئېساڵی چنی بانگەوازو ڕابەر ئاپۆی بە جۆشێوە گۊرۆ پیرۆز کریا. متاومۍ واچمۍ نەورۆزو ئېساڵی یاوا بە بەرزتەرین ئاستو ۋێش. بی بە جوابدەرو دڵسۆزی بە پەیامەکەو ڕابەر ئاپۆی. جارێوەتەر نەورۆزی جە گەلەکەیما پیرۆز مکەرمۍا و هیواما سەرکۊتەیا. متاومۍ واچمۍ پەیامەکەو ڕابەر ئاپۆی یاگۍ ۋێش گێرت. گرڎ کەسێ شایەتو نەورۆزی بە جۆشی بۍ. نەورۆز بی بە نەورۆزو ڕابەرایەتی.
جە ئیساتێچەنە ئینایمۍ ئامەڎەکارییەکا ٤و نیسانینە و پېسە تەڤگەری بە ڕۆبیەو ۋێماش موینمۍ. هیواڎارێنمۍ گەلەکەما بە هەمان جۆشو نەورۆزیوە جە گرڎ یاگێنە ٤و نیسانی پیرۆز بکەرۆ. چن ڕوۍ چێوەڵی دەسما بە ئامادەکارییەکاما کەردەن. بە هونەر، ئاواز و ئامێرەکاو ۋێماوە بەشدارۍ ٤و نیسانی بیمۍ. جارێوەتەر ڕۆبیەو ڕابەریەتی جە گەلی و تەمامو مرۆڤایەتی پیرۆز مکەرمۍ.
تۆڵهەڵدان: ٤و نیسانی ڕۊبیەو گەلو کوردین. بی بە ڕۊشنایی پەی گەلێوە کە دلۍ تاریکینە ۋێش جە دەس دابۍ. پەی تەمامو جەهانی ڕوێوە پیرۆز و تایبەتا. ڕۊبیەو ڕابەر ئاپۆی بی بە ڕۊشنایۍ پەی گەلو کوردی تا ئانەی جە تارییکینە بەرگنۆ. پۊکەی بە ملیۆنان ئینسانۍ ئی ڕوەیە پیرۆز مکەرا. بەرکۊتەی ڕابەر ئاپۆی ڕاش نیشانەو مرۆڤایەتی دا. پېسە گەریلاکاو کوردەسانی ئی ڕوەیە بە ڕۆبیەو ۋێماش مزانمۍ.
پېسە گرووپو ئاوازو چیای ئینایمۍ ئاماڎەکارییەکا ۋێمانە. پەی هەمڕایاما چالاکی بە مۆراڵ ئەنجام مڎەیمۍ و پێشکەش بە گەلەکەیماش مکەرمۍ. ئینایمۍ ئامادەکارینە و جە چن ڕۊی ئایندەنە گرڎو پرۆڤەکاما تەمام مکەرمۍ. ئینایمۍ ئاماڎەکاری و جۆشێوە گۊرەنە. سەرو ئی بنەمایەینە پیرۆزباییەکۍ ٤و نیسانی.
