واتەواچەو پارتو یەکسانی و دیموکراسیی گەلا (دەم پارتی) ئایشەگوڵ دۆغانە ئەرەیاۋناش ڕۊو ١١و تەممووزی بەشدارې مەراسیمەکەو پەکەکەی بیمې جە سلێمانینە و ئاماژەش پانەیچ دا، هامسەرۆکې و نوێنەرا پارتە سیاسییەکا بەشدارۍ با جە مەراسیمەکەنە.
ئایشەگوڵ دۆغانە، واتەواچەو پارتو یەکسانی و دیموکراسیی گەلا (دەم پارتی)، جە مېیانی سەرەکی دەم پارتینە جە ئەنقەرە، سەبارەت بە پەیامە تاریخیەکەو ڕابەر ئاپۆی و پێشئامایە تازەکا کۆنگرێوە ڕۆنامەنوویسیش بینا.
ئایشەگوڵ دۆغانە سەرنجش وست سەرو ساتەوەخت و قۆناغە گرنگەکا پرۆسەکەی و ئاماژەش پانەیە دا: "ئینایمې ساتەوەختێوە تاریخینە، کە سەڎ ساڵی دووەمو تورکیای دیاریی مکەرۆ و واتش: ساڵانێوەن ماچمې، کە نامونیشانو چارەسەری دیموکراتیکی ئاشتییا، یەکسانییا، دادپەروەریێوە بەپێز و هەمیشەییا و جە ئیمرالیۆ جە لایەنو ئېژا ئۆجالانیوە سەرچەمە گێرۆ، پەنەوازا ئارۆ جارێوەتەر ئینە بوینیۆ و ئینە داواکاریی هەمیشەیی ئێمەن."
'پەنەوازا گرڎ بە ۋەرپرسیاریۆ مامەڵە چنی ئاژەکەی بکەرا'
واتەواچەو دەم پارتی جەختش چانەی کەرڎۆ هامشانو چڼین پارت و ڕێکوزیایا و جەمەی مەدەنی بەشداری مەراسیمەکەو پەکەکەی مکەرا و واتش: " ١١و تەمووزی بەشداری جە مەراسیمەکەو پەکەکەی جە سلێمانینە مکەرمې و هامسەرۆکې و نوێنەرا پارتە سیاسییەکایچ بەشداریی جە مەراسیمەکەنە مکەرا. سەرو ئی بنەمایە پەنەوازا گرڎو بەشەکا گلېرگەی بە هەستیارییوە هەرمانە پەی چارەسەرکەردەی پرسو کوردی بکەرا."
