هاموڵاتیا قامیشلۆی سڵامشا جە مڏرامانو جەنگاوەرا قەسەدەی و یەپەژەی جە بەرەکا وەڵێ جەنگی کەرد و واتشا: "ئێمە ژیوایێ بێ ئەرەکۆشای بەبنەما مەگێرمێ. هەرپاسە داوا جە گرڏو گەلو کوردی مکەرمێ بەیدێ پێوەرە ئەرەکۆشای بکەرمێ و سەرگنمێ."
هرووژمەکا دۆڵەتو تورکی ئەرەگیری و گروپە میلیشیاکا سوپاو نیشتمانی پەی سەرو سەرنیشتوو وەرکەوتوو سوریای بەبێ پچڕیای بەردەواما. جەنگاوەرا قەسەدەی و یەپەژەی جە دژو هرووژمەکا مڏرامانێ تاریخی بەراڕاوە. هاموڵاتیا قامیشلۆی ئاماژەشا بانەیە کەرد جە هرووژمەکا دۆڵەتو ئەرەگیرو تورکی و چەتەکا سوپاو نیشتمانینە، ئارێ پەشتیوانی وێشا پەی جەنگاوەرا یەپەژەی و قەسەدەی ئەرەیاونا.
'ئیرادەمان دوژمنی دلێنە بەرۆ'
خالیا حسێنە ئەرەیاونۆش کە ئارێ بەردەوام وەرەنگارو هرووژمەکا باوە و وەرگری جە دۆزو حەقەو گەشمەرڏا مکەراوە. خالیا حسێنە ئاماژەش بانەیە کەرد، ئانەی ئارۆ گوزەریۆنە بەمەڵامەتو خیانەتی ڕووەمرۆ و واتش: "دەسو ئا چەتا کە دلێ ئێمەنە مژیوا چی جەنگەنە هەن. بەڵام پاسە ویر نەکەراوە کە سەرێ گنا. تەنانەت چنی هاوژینەکەیم، زاڕۆڵا، واڵە و برا، ئەڏا و بنەیانەو گەشمەرڏاما دەسبەردارو خاکەکەیما مەبیمێ و بەردەوام هێڵو ئازادی بە بنەما گێرمێنە. ئێمە سەرێگنمێ و وڵاتەکەیما ڕزگار مکەرمێ. دوژمنێ خاکو موبارەکیمانە کەرمێ بەر. گەلو کوردی ئیتر ئا مرۆڤا وەڵێ نییەنێ. گەل گەلو ڕابەر ئاپۆین و ئێمەچ بە ویرۆکەکا ابەرایەتیما سەرێ گنمێ. چونکە ئێمە قەولما بە ڕابەر ئاپۆی، گەشمەرڏا و گەلەکەیما دان.
'ئێمە بەردەوام پاڵپەشتو جەنگاوەراما بیمێ'
هەرپاسە شەمسی خان گولۆە ئەرەیاوناش کە جە سەرانسەرو سەرنیشتوو وەرکەوتوو سوریاینە مڏرامانێ بێوێنە ملۆ ڕاوە و واتش: "دۆڵەتو ئەرەگیرو تورکی ڕوانە بە فڕۆکە جەنگییەکاش هرووژم مکەرۆ سەرو گەلی و جەنگاوەرا و ڕۆنامەنویساما گەشمەرڏێ مکەرۆ. چونکە دۆڵەتو تورکی مزانۆ جەنگاوەرێما هێزو ئێمەنێ و ئایندەمانێ. گەرەکشا گرڏ لێوەنە جەنگاوەراما دلێنە بەرۆ. ئێمە تا دمای دژو ئاریشا مجەنگمێ. سەرو ئی بنەمێ داوا جە گرڏو گەلا مکەرمێ بەشداری خەباتو ئازادی و ئایندەو دیموکراتیکی بکەرا. چونکە ئیدارەو وێڕاوەبەرایەتی ئاسایش و ئارامی ژیواو ئێمەن. ئێمە ١٣ ساڵێن ئیدارەو وێڕاوەبەریما وێما بەرمێ ڕاوە. هەرپاسە مزانریۆ جە ئیسەنە جە بەنداو تشرینی و سردەو قەرەقۆزاقی بە گرڏو هێز و ئیرادەیۆ مڏرامانێ تاریخی جەلایەن (قەسەدەی و یەپەژە) ی ملۆ راوە. پەنەوازا گرڏ پشگیری چی بەرخۆدانەدامڏرامانەیە بکەرا. چونکە ئێمە بە ویرو و فەلسەفەو ڕابەر ئاپۆی وەرەنگارێ بیمێ. هەرپاسە سڵامو وێما پەی مڏرامانو سەرنیشتوو کوردەسانی گیانمێ."
'پەنەوازا کوردێ پێوەرو کێشەکا چارەسەر بکەرا'
ڕەشید گوڵۆ یۆتەر چا هاموڵاتیانە و سڵامش جە مڏرامانو جەنگاوەرا قەسەدەی کەرد و واتش: "سڵامو وێم پەی ئا جەنگاوەرا گیناو کە جە بەرەکا وەڵێ جەنگیۆ ئەرەکۆشای مکەرا. ئارۆ جەنگاوەرا یەپەژەی و قەسەدەی جە بەنداو تشرینی و سردەو قەرەقۆزاقی پەی وەرگری کەردەی جە گەلی و خاکەکەیشا ئەرەکۆشی مکەرا. دۆڵەتو تورکی چن هەوڵو دلێنە بەردەی هێزەکاما دۆنە، بە ئیرادەو جەنگاوەراما گرڏ پووچەلێ باوە. ئێمە وەرەنگارو دوژمناما بیمێ و قەد تەسلیمێ مەبیمێ، ئێمە ڕۆڵەکێما بەشداری ئەرەکۆشای مکەرا و وەرگری جە وڵاتەکەیما مکەرمێ، ژیوایێ بێ ئەرەکۆشای قەبوڵ مەکەرمێ، سەرو ئا بنەمێ داوا جە هەموو گرڏو گەلو کوردی مکەرمێ پێوەرە مڏرامان بکەرمێ. کات کاتو یەکڕێزی و یۆبییەی گەلو کوردین، پۆکەی پەنەوازا بەرژەوەندییەکاما وسمێ لاوە و پرسو گەلەکەیما چارەسەر بکەرمێ."
