ئێشکگیری دادپەروەری ئەمینە شەنیاشارێ کە هامژین و دووێ کوڕێش جە ١٤ و حوزەیرانوو ٢٠١٨ ینە جە مەنتیقەو پیرسوسی ڕحای جەلایەنو پاسەوان و قۆما پەرلەمانتاری وەلینوو ئاکەپەی ئیبراهیم خەلیلی یەڵدزیۆ کوشیێ، بەردەواما. ئێشکگیری دادپەروەەری شەنیاشارێ و فەرید شەنیشاری کوڕیش کە پەرلەمانتارو پارتو یەکسانی و دیموکراسیی گەلا (دەم پارتی) ڕحاین، ١٠٧ ڕوێن بەردەواما.

ئارۆیچ ئەمینە شەنیشارەو فەرید شەنیاشاری کوڕش گەرەکشابێ چەنی وەزارەتو دادی کۆباوە بەڵام بەرە جە ئەمینە شەنیاشارێ نەکریاوە.

ئەمینە شەنیاشارە جە ڕحاوە گێڵاوە و شەنیاشارە و ناڕەزایش بەروست وەرانوەرو دۆزو "سوکایەتی بە بەرپەرسێوە گردینی"نە کە دژش کریانۆ و واتش: "تاوانبارێ ئینێ بەرۆ، کەچی پەی ئیفادە ورگێرتەی من چڕا. ئێمە یەرێ-چوار ڕوێ جارێ ملمی دادگا. با تاوانبارا وزیا زینان. پێچی ئاڎیشا مەگێرا؟ وەختێ ئاڎێ ئازادانە گێڵا، کوڕەکەم ئینا زینانەنە. داواو دادپەروەری مکەروو، بەرەو وەزارەتی وزارە. گردوو کوڕەکاشا کوشتانی، با ئی کوڕەیمە بازاوە. تا کوڕەکەیم ئازاد نەکەرا، چێگە مەلوو".

ئەمینە شەنیاشارە ئاماژەش پانەی کەرد بەرەو وەزارەتیش چنە مەکریۆوە ناڕەزایش بەربڕی و واتش: "تەماشە کەردی بەرەما سەر وزارە. وەختێ یاومی ئێگە، بەرە قوفڵ کەرا و وێشا شاراوە. ئینە دەوڵەتا یان حکومەت؟".

دماو چالاکییەکەی ئەمینە شەنیشارەو فەرید شەنیاشاری کوڕش لوێ پەرلەمان.