دۆڵەتو تورکی ئەرەگیری هرووژمەکۍ ۋێش پەی سەرو هەرێمەکەی زیاڎۍ کەردێنۍ. دماو هرووژمەکەو سەرو منبجی، ئا شۆنۍ پەی خزمەتگوزاری گەلی بەکارمەیا کریێنۍ مەرام.

دۆڵەتو تورکی ئەرەگیری و چەتەکێش بە چەکی قورس و فڕۆکەی جەنگی هرووژم مکەرا سەرو بەنداوو تشرینی، جە ئاکامەنە بەنداوەکە زەرەری فرەش لا یاوان و بیەن مایۍ ئانەی جە هەرمانە گنۆ و هەرێمەکە بێکارەبا و بێ ئاو بیەن. بە مەڵامەتو بڕیەی کارەباو ئا وێسگاوە ئاوی پەی کۆبانێ و دەوروبەریش مەیسەر مکەرا، جە هەرمانە کۆتێنۍ. جە هەمان کاتەنە بە مەڵامەتوو هرووژمەکاوە هەڕێمەکە بێ کارەبا بیەن.

ڕاوەبەرایەتی ئاوەو کانتۆنو فوراتی ئەرەیاۋناش، کە بە مەڵامەتوو بڕیەی کارەبێوە وێسگەو ئاوۍ جە هەرمانە کۊتەن و رێژەو ئاوەو فوراتیچ فرە کەمە بیێنۆ.

بە پاو زانیارییەکا ڕاوەبەرایەتی ئاوەو کانتۆنو فوراتی، ئاژەو نائاساییشا ئەرەیاۋنان و گرڎو کارمەندەکاشا ئینۍ ئاماڎەیینە پەی ئانەی بە زووتەرین کات ئاوی پەی کۆبانێ ۋەربڎاوە.