ئەنجومەنو ژەنا پارتو یۆبییەی دیموکراتیی (پەیەدە) وەڵێ بارەگاو گرڏی پەیەدەی جە قامیشلۆ سەبارەت بە کۆمکوژیی عەلەوییەکا بەیاننامێوەش واناوە.

بەیاننامەکەو ئەنجومەنو ژەنا پەیەدەی بە ئامادە بییەو ئەنداما ئەنجوومەنی ئەرەیاوییا.

هۆریا شەمدینە، ڕاوەبەرەو ئەنجومەنو ژەنا پەیەدەی، بەیاننامەکەش واناوە. هۆریا شەمدینە ئاماژەش پانەیە کەرد، کۆمکوژی، بەئامانجگێرتەی بە پلانمتەی ژەنێ و زاڕۆڵا، تاوانەو جەنگینە و پاشێلکەردە و گرڏو یاسا مییاننەتەوەییەکان.

ئەرەیاوناکەینە جەنگی مەزهەبی، تنوتیژی و گوتارەی نەفرەتاویە کە جە سووریانە وەڵا کریۆوە، بە تنوتیژی شەرمەزار کریا و هۆشیاری ئانەی دریا بەردەوام بییەو ئی جەنگەیە وڵاتی پەلکێش مکەرۆنە دلێ کارەساتێوە گۆرەتەری.

هەرپاسە جە ئەرەیاوناکەینە داواو ئەوەکۆڵییایۆ جە ڕوودای کۆمکوژییەکا کەناراوەکا سووریای کریان و هامکاتەنە داواکریان ئا کەسێ وەرپرسیارینێ جە کۆمکوژیی گەلا سووریای ونەۆەرسایشا چنی کریۆنە.

جە درێژەو ئەرەیاوناکەینە داوا جە گلێرگەی مییاننەتەوەیی، ڕێکوزیا و جمیەرەو ژەنا و ئەرەمەزنارە یاسایی و مافەکا مرۆڤی کریان کە جە دژو کۆمکوژی و پاکتاو ئەتنیکی سەرو عەلەوییەکا سووریای هەڵوێسی جددی گێرانە وەر.

جە دما دماو ئەرەیاوناکەینە جەخت چانەیە کریانۆ کە گفتوکۆو ئاشتی و چارەسەری سیاسی تەنیا ڕاو پارێزناو سووریاین جە تنوتیژی و جیابییەیۆ.