یەکینەکاو پارێزنای ژەنێ (یەپەژە) بە ئەرەیاوناێوە  ئەرەیاوناشا، کە ٢ ژەنێ و زارۆڵێوە ئێزیدییشا ڕزگارێ کەردێنێ.

بە پاو ئەرەیاونایەکەی، ئا دووە ژەنێ ڕزگارێ کریێنێ عەزیزە خالدییە ٢٥ ساڵە و تەواف داود چەتۆی ٢٤ ساڵە، کە ٣ێ ئابوو ٢٠١٤ چەتەکاو داعشی شەنگالەنە ئڕفانێنی. هەرپاسە ئەرەیاونایەکەنە ئاماژە پانەیە کریان، خوناڤ کە کامپوو هۆلێنە ڕزگار کریان، دووێ مانگێ بییەن و ئڕفانیان.

هەرپاسە ئاماژە پانەیچە کریان، عەزیزە خالدە کامپوو هۆلینە ڕزگارە کریێنە، هەرپاسە تەواف چەتۆ سەروو سنوروو سوریا- عێراقیوە ڕزگار کریان، چا وەختانە گەرەکش بییەن وێش ڕزگار بکەرۆ دەسوو چەتەکاوە. ئاماژەیچ پانەیە مکەرۆ زارۆڵە ئێزیدییەکە کە نامێش خوناڤا عەزیزە خالیدێ کامپوو هۆلی-ینە گەورە کەردەن.

وەرپەرسوو نویسگەو پەیوەندییەکاو یەپەژەی لەنا حسێنە و قسەکەرەو یەپەژەی ڕووکەن جەمالە خێرامایۆ ژەنە ڕزگارکریا ئێزیدییەکێشا کەردەن و ڕزگاربییەیشا جە تەماموو ژەنا مەبارەک کەردەن.

خێراماییەکەنە لەنا حسێنە واتش: "یەکینەکێما ساڵەو ٢٠١٤ تا ئارۆ سەدان ژەنێ ئێزیدیێشا ڕزگارێ کەردێنێ پارێزنای شەنگالی و ژەناو شەنگالی پێسەو هەرمانەو وێما موینمێ."

حەر چا بارەوە ڕووکەن جەمالە ئاماژەش پانەیە دا، ساڵۆگێڵوو کۆکوشیی شەنگاینە ڕزگارکەردەی ژەنە ئێزیدییا پەی ئادیشا سەرفرازی و سەرکەوتەێوە فرە گەورەن دژوو داعش.