پەڕلەمانتارو دەم پارتی یاسائشناس عومەر فاروق هولاکو و سەرۆکو ئامەدی جەمەو مافەکێ مرۆڤی (ئیهەدە) ئەرجان یەلماز دەستنیشانشا کەرد پەی چارەسەری پرسو کوردی مشۆم ئازادی جەسەیی ڕابەر ئاپۆی پێکبێنە، تاوۆنە سود جە مافو هیوای هۆرگێرۆنە و بە پاو یاسای ئاساییە تاوۆنە ئازاد بۆنە.

'گۆشەگیری بەردەواما'

عومەر فاروق هولاکو جەختش وست سەرو دیدارەکێ ئی دماییەو ئیمراڵی و جەختش چانەیە کەردۆ پەی ئانەی پرۆسەکە بەشێوەی ئەرێنی بلۆ ڕاوە مشۆم مافە ئەساسییەکێ ڕابەر ئاپۆی مسۆگەر کریانە بە جابەجێکەردەو مافی بە شێوێوە یەکسان و بێ لایەن و واتش: "بە پاو گرڏو یاساکا مافو هەر زینانیێن دیدار چنی بنەیانکەیش و پارێزنەرەکەیش ئەنجام دۆنە، بەڵام ئانەی جە ئیمراڵینە ویەرۆنە پاشێلکەردەو یاساین و گۆشەگیری هەڵای بەردەواما."

'مشۆم مافو هیوای جابەجێ کریۆنە'

فاروق هولاکو دەستنیشانش کەرد بە پاو یاساو مافەکا مرۆڤو ئەورووپای مشۆم ئا کەسێ سزای زینانی کەردەی هەمیشەیشا سەرەرە سەپیان، دوبارە هۆرسەنگنای بە دۆخو سزاکا کریۆوە، پۆکەی دانیای بە 'مافو هیوا'ی ڕابەر ئاپۆی پەنەوازیێ یاسایین و کاریگەریش پەی ئەرێنی بییەی پرۆسەکەین و واتش: "ئەر بەیا سەرو بابەتو لابەردەی ئاستەنگییە یاساییەکا وەردەمو ئازادی جەسەیی، ئانە دۆخو گۆشەگیرکەردەی وەڵینی ئاشکران متاوۆنە هامکاری پرۆسەو چارەسەری کەرۆنە. جە پرۆسەو وەڵینو چارەسەری ئاشتینە بەشداربییەو ئێژا ئۆجالانی بەشێوێوە چالاک کارێگەریی ئەرێنیش سەرو پرۆسەکەی بێ. پۆکەی هورگێرتەو گۆشەگیری سەرو ئێژا ئۆجالانی، بۆ بە هەنگامێوە گرنگ سەرو دیموکراتیک بییەو تورکیای و چارەسەری پرسو کوردی، چونکە ئی بابەتە هامکات بابەتێوە ئاشتی کۆمەڵایەتییا و لەبەردەو گۆشەگیری زەمینەسازییا پەی ئاردەی ئاراو ئاشتی کۆمەڵایەتی."

'مشۆم سەر ڕاسکەردەیۆ یاسایی ئەنجام دریۆنە'

سەرۆکو لقو ئیهەدەی ئامەدی، ئەرجان یەلماز دەستنیشانشانش کەرد وەڵتەر پەی چوار جارا دادگاو مافەکا مرۆڤو ئەورووپای (DMME) دەربارەو 'مافو هیوا' تورکیای جە پاشێلکەردەو ئا یاسایا ئاگادار کەردەنۆ و واتش: "یەڵمازە یاڏ وستیمێ پەیوەس بە قایتان، غوربان و بۆڵتانی هەمان قەرار دریان، هەرچنە ماوەو چن ساڵێوەش سەرەرە ویەردەن جە لایەن تورکیای سەرڕاستکەردەیۆ یاسایی بەپاو ئی قەررەیە نەکەردەن."

یەلمازە جەختش وست سەرو گۆشەگیری ئیمراڵی و ئاماژەش پانەیەدا جە حیچ وڵاتێوە ئەورووپینە جابەجێکەردەو  سزێ ئەپاسە ماوەدرێژ بییەیش نییا و واتش: "ماوێوە فرەن گۆشەگیری ڕەها ئینا ئارانە، هەڵای مەزانریۆ دمایش پنە مێ یان نا. پۆکەی مشۆم یاڏ تورکیایش بارمێ جە جێبەجێ کەردەو قەرارەکاو دادگاو مافەکا مرۆڤو ئەورووپا(DMME). مشۆم وەرارەکا کۆمیتەو وەزیرانی کۆنسەو ئەورووپای و قەرارە پێشنیارکریێکێ سی پی تی وەرچەم  گیریانە،