ئێران کەنداونە دەس ملوو کەشتیێوەرە گێرۊ
ئەرەیاونیا، ئێران کەنداونە بە بەهانۍ قاچاخچێتیی بەنزینیوە دەسش گێرتەن ملوو کەشتیێوە بیانییرە و ١٤ کارمەندێش گێرتێنێ.
بە قسۍ ئاژانسوو هەواڵوو تەسنیمی، هێزە بەحرییەکاو سەر بە پاسدارا کەناراوەکاو میناو بوشەهرینە پانیشتوو وەرنیشتینە، دەسشا گێرتەن ملوو کەشتییێوەرە، کە دووۍ ملوێن لیترۍ بەنزینی قاچاخش ورگێرتەن و عەلەمەو وەڵاتێوە ئۊقیانووسیش سەرۊ بیێنە.
ئاژانسوو تەسنیمی ئەرەیاوناش، ١٤ کارمەندۍ کەشتییەکەی، کە هاموەڵاتۍ دووۍ وەڵاتاو ئاسیای بیێنۍ دەسبەسەرۍ کریێنێ، زانیاریی زیاتەر ئاژانسەکەیۊ نەوزیان ڕووە.
هێزەکاو ئێرانی بەردەوام باسوو گێرتەی ئا کەشتییا کەرا، کە بەنزینی قاچاخ فاڕاوە.
بەپاو میدیاکاو دەوڵەتوو ئێرانی مانگەو ئەیلوولینە دووۍ تانکەرێشا گێرتێنێ، کە زیاتەر جە ١،٥ لیترا بەنزینشا ورگێرتەن و عەلەمەو پەنەمای و تانزانیایشا سەرۊ بیێنە، هەرپاسە ٣٤ کارمەندێشا گێرتێنێ.
