کۆمیتەو شەهیدانو پارتو ژیۋاو ئازادیی کوردستانی- پژاک، جە ئەرەیاۋنایێوەنە؛ شەهیدبییەی گەریلایێ خەڵکو هەورامانیش پەی راو گردینیی ئاشکرا کەرد.
کۆمیتەکە دەسنیشانش کەردەن: گەریلاکەشان نامێش کەریم کەریمپوور ئەشناسیان بە جگەرخوێن شاهۆ.
میانگاکە سەبارەت بە گەشمەردە جگەرخوێن شاهۆی زانیاری زیاتەرش دان و ئەرەیاۋنانش: جگەرخوێن شاهۆ جە مەریوان جە ئەڎا و تاتێۋی هەورامانی جە ئەڎێ بییەن و هەر جە ئا شارەنە ژڵێۋەی ئاپۆییش ئەشناسان و جە ٢٠١١نە پەیوەسو کۆشای ئازادی بییەن. جە ٧ ساڵۍ کۆشایشنە جە هەورامان تا قەندیل هەر ئەرک و هەرمانێۋەش پنە ئەسپاریا بۆنە سەرئەفرازانە و مانیانەشناسانە ئەنجامشدان. سەرئەنجام جە دمای ٧ ساڵان جە کۆشای و خەباتی، ساڵەو ٢٠١٨ی جە قەندیل شەهیدبییەن و پەی هەمیشەی پەیوەست بە ڕاو جاویدانیی و نەمریی بییەن.

کۆمیتەو شەهیدانو پژاک-ی، شناسنامەو گەریلا شەهیدەکەیشان بە ئی جۆرە ئاشکرا  کەردەن:

نامێش کەریم کەریمپوور 
ئەژناسیا بە: جگەرخوێن شاھۆ 
جەئەڎابییەی: مەریوان 
نامۍ ئەڎۍ: سەلما
نامۍ تاتەی: وەیسمراد 
ساڵە و یاگۍ بەشداربییەی: ٢٠١١/ شاهۆ- هەورامان
ساڵە و یاگۍ شەھیدبییەی: ٢٠١٨/ قەندیل