جە ئەرەیاۋناکەو مېیانو ئەرەیاۋنای و چاپەمەنی هێزەکاو پارېزنای گەلی (هەپەگە-نەڕەچە)ینە وچیان: "٢١ـەمین ساڵوەگەرو قەڵەمبازی تاریخی ١و حوزەیرانی کە بە سەرمەشقایەتی گەریلاکاو ئازادی کوردەسانی ئەنجام دریا، سەرەتا جە ڕابەرو ئازادی گرڎو گەلا چېردەسەی، ژەنا و جوانا ڕابەر ئاپۆی، وە جە بنەیانەو گەشمەرڎاما کە بە خاوەنداریکەردەی جە ڕاو مەرامو گەشمەرڎاما ڕاو ئەوەکۊشایشا بەرزکەردۆ، جە گەلی وڵاتپارێزنیما، جە دۆسا گەلەکەیما و جە تەمامو هەمڕایاما پیرۆز مکەرمۍ. جە کەسایەتی هەمڕایاما؛ حوسەین ماهیر، ئەرداڵ، نوجان نورحەق، عادل بلکی، چیچەک کچی، ماهیر دێرسیم، کەنداڵ باز، نوودا کارکەر، ڕۆژین گەودا، ڕەشید سەردار، محمەد گۆیی، دیجلە عەفرین، سمکۆ ڕۆژهەڵات، ئاتاکان ماهیر، دەلال ئامەد، گوڵچیا گابار، فازڵ بۆتان و لەیلا سورخوێنێنە بە وەشەسیای، ڕێزداری، پنەزانایۍ گۊرۆ و یاڎشا مکەرمېوە."

درێژەو ئەرەیاۋناکەی پی جۊرەنە:

"جە ١٥ـو شوباتو ١٩٩٩ینە، جە کەسایەتی ڕابەر ئاپۆینە جە دژو گەلەکەیما و تەڤگەرو ئازادی کوردەسانی کە بە دڵنیاییوە ئایندەشا ئازادا، هرووژمی پیلانگێڵنی مېیاننەتەوەیی ئەنجام دریا. سەرەڕاو بێ دەرفەتی و هرووژمی گۊرەی، ڕابەر ئاپۆ پا پارادایمەی کە پەرەش پنەدا گۊرەتەرین جوابو پیلانگێڵناش داوە. ڕابەرایەتیما سەرو بناغەو پارادایمی تازەی پەی وەڵێوستەی چارەسەریێوە دیموکراتیکانەی جە تورکیا هەلێوە گۊرۍ تاریخیەش خوڵقنا. سەرو ئی بناغەیە هێزەکۍ گەریلایما جە بڕیارو کیشیایۆ ٢ۍ ئابو ١٩٩٩ تا ١و حوزەیرانو ٢٠٠٤ پەی ماوەو پەنج ساڵا جە ئاژەو ئایېربەسینە مەنۆ پەی چارەسەری دیموکراتیکانەو پرسو کوردی بناغێوە گۊرەش ئەرەمەرزنا. بەڵام دۊڵەتو تورکی هەوڵشدا ئی قۆناغۍ پەی دلېنەبەردەی تەڤگەریما بەکار بارۆ. قەڵەمبازی ١ـو حوزەیرانی کە جە ساڵۊو ٢٠٠٤ینە پەرەش پنە دریا، جە ۋەرا ۋەرو سەپنای ناچەرەسەری و هرووژمەکۍ پەرەشا پنە دریا، بە ناچاری بی بە هەڵمەتێوە تاریخی کە کۊت ڕۆژەڤۆ. ئەوەکۊشای شۆڕشگێڵنی قەڵەمبازی ١و حوزەیرانی ڕاسی‌گەلێوە فرەیش ئاشکرا کەرد کە گەرەکشا بۍ شاراشۆ. هەرپېسە چنی قەڵەمبازی ١٥و ئابو ١٩٨٤ ڕاش جە نکۆڵیکەردەی جە کوردی گېرت و پرسەکێش وستۍ سەرو مێزەو چارەسەری، قەڵەمبازی ١و حوزەیرانیچ جە بە پەنەوازیکەردەی چارەسەری و بەهێزکەردەی بناغەکاشەنە دەورێوە گرنگش گێڵنا. قەڵەمبازی تاریخی ١و حوزەیرانی جارێوەتەر سەلەمناشۆ چڼە درووس و یاگۍ ۋێشەنە بۍ. فرە بە ڕۊشنی نیشانەش دا پرسو کوردی بە سیاسەتەکا نکۆڵی، دلېنەبەردەی و قڕکەردەی چارەسەر نمەکریۆ.

پرۆسەو قەڵەمبازی ١و حوزەیرانی کە ٢١ساڵێش سەرەرە موېیەرۆ، وەڵۍ وینایە قوڵەکۍ ڕابەر ئاپۆی، ئا پارادایمەی کە پەرەش پنەدان، ئا سیاسەتێشە پێکئاوردێنۍ و هەڵوێسە تاریخیەکەش جە ئیمراڵینە چڼین جارۍ پەشتراس کریانۆ. کات و وەڵێکۊتەی، مافداری و حەقیقەتو ڕامانەکا ڕابەر ئاپۆیش سەلەمنانۆ. تاریخو ئەوەکۊشای ٥٢ ساڵەیما فرە عال نیشانەش دایمۍ؛ کاتێ بە عالی جە ڕابەر ئاپۆی یاوایمېنە و هێزو پێکئاوردەی ئاڎیی نیشانەش دا هەنگامە، سەرکۊتەی تاریخی و ئامانجی گرنگ بە دەسئامێنۍ. پېسە گەریلاکاو ئازادی کوردەسانی جە هێڵۊو میلیتانی ئاپۆیینە قوڵتەرۍ بیەیمۍ، ماچمۍ پی هۆشمەندییە تاریخیۆ پەی ئا بەهایا کە بە کۊششی بێهامتاو ڕابەر ئاپۆی و ڕەنجی گۊرەو گەلەکەیما بەدەسئامېنۍ بە هەدەر نەلۍ، تا ئیساتۍ و جە ئیسە بەدمایچۆ ئا ۋەرپرسیاریەی گنۊنە ئەستۆما جابەجێش مکەرمۍ. ئەرەیاۋنمێش بە بڕیارێنمۍ بە گۊرەکەردەی ڕوحی فیدایی ئاپۆیی و قوڵکەردەیۆ میلیتانی ئاپۆیی، پەی مسۆگەرکەردەی ئازادی ڕابەری و گەلەکەیما، بە فیداییۆ سەرو ئا ڕۍ ئەوەکۊشمۍ کە ڕابەرما کێشتێنەش.

ئێمە پېسە گەریلاکاو ئازادی کوردەسانی و فیداییا ئاپۆیی، جارێوەتەر ٢١ـەمین ساڵوەگەرو قەڵەمبازی ١و حوزەیرانی جە گەلەکەیما، هەمڕا و هەڤاڵاما پیرۆز مکەرمۍ کە ئینۍ مېڎانەکانە و جە ٢٢ ساڵەو ئەوەکۊشاینە هیواو سەرکۊتەیشا پەی موازمۍ."