ئێشکگێری دادپەروەری پەی ئازادیی جەستەیی ڕابەروو گەلوو کوردی عەبدوڵا ئۆجالانی و چارەسەروو پەرسەو کوردی بەردەواما.

وان

چالاکییەکەو وانی ٥٦ ڕوێ بەردەواما.

ئەداو زیندانیێوە، ئەزیزە چاکیرە ئاماژەش پانەیە کەرد، ئێمە سایێ ڕابەروو گەلوو کوردی عەبدوڵا ئۆجالانیوە وێما پێسە گەلوو کوردی ئشناسا.

ئەداو زیندانێوە، شەفیقە ئەکینجییە لاو وێشۆ واتش، سەروو زیندانییا و ڕابەروو گەلوو کوردی عەبدوڵا ئۆجالانیوە گۆشەگیری و ستەم هەن، ئێمە قبووڵش مەکەرمێ، داوا کەرمێ ئی گۆشەگیری و ستەمە ورگیریۆ.

تاتەو زیندانیێوە، ساڵەح ئەرگون گۆشەگیریی سەروو ڕابەروو گەلوو کوردی عەبدوڵا ئۆجالانییش شەرمەزار کەرد و واتش: "تا لاشییەی گۆشەگیری کۆشیایما بەردەواما. ئیتر ڕۆ، ڕۆو ئێمەن، ڕۆ ڕۆو ئازادیین. دماییەکەش ناوازەن. پێوە نادادی لا دەبەرمێ".

مێرسین

چالاکییەکەو مێرسین ٥٧ ڕوێ بەردەواما.

ئەنداماو مەجلیسوو ئەدایاو ئاشتی بەشدارێ چالاکیەکەی بێنێ و درووشموو "بژیوۆ مدرامانوو زیندان"ی و "ژەنی، ژیوای، ئازادی"یشا بەرز کەردۆ.

مێردین

چالاکییەکەو مێردینی ٢٣ ڕوێ بەردەواما.

چالاکییەکەنە ئەوەخوای کریاوە گۆشەگیری سەروو ڕابەروو گەلوو کوردی عەبدوڵا ئۆجالانی سەروو گردوو گەلارە سەپنیان و باڵش کێشتەن سەروو زیندانییە نەوەشایچرە.

ئاماژە پانەیە کریا، پێویسا ونمتەی مردۆ و چارەسەر دەس پەنە کەرۆ، چارەسەریچ ڕاو دیالۆگیوە بۆ، پەوکای مشۆم ڕابەروو گەلوو کوردی عەبدوڵا ئۆجالان ئازاد بۆ.

ئیستەنبوڵ

چالاکییەکەو ئیستنەبوڵی ٤٧ ڕوێ بەردەواما.

چالاکییەکەنە، پانکارتوو "پەی ژیواێوە ئازادی گۆشەگیری ماڕمێ، بیمێ بە دەنگوو زیندانەکا" و "پەی دادپەروەری گۆشەگیری ماڕمێ، پەی ئاشتی بیمێ بە دەنگوو زیندانەکا" ورواسیێ، چالاکێ هێلەکشا کەردەنە، بە تورکی و کوردی سەرشۆ نویسیابێ "گۆشەگیری تاوانێوە دژوو ئینسانیەتین"، هەرپاسە درووشموو "بژیوۆ مدرامانوو زیندانی" و "بژیوۆ سەرۆک ئاپۆ"یشا بەرزێ کەردێوە.

مانگێرتەی جە واردەی ئەنقەرەنە بەردەواما

چالاکی مانگێرتەی جە واردەی جە ڕێکوستەی پارتوو یەکسانی و دیموکراسیی گەلا (دەم پارتی)ینە ئەنقەرەنە پەی پەشتیوانی جە مدرامانوو زیندانییا، ٥ ڕوێ بەردەواما.

چالاکە، قەدریە ئۆزگانە واتش گۆشەگیری سەروو ڕابەروو گەلوو کوردی عەبدوڵا ئۆجالانی و زیندانیکەردەی سەڵاحەدین دەمیرتاشی و گوڵتان کشاناکێ قبووڵ مەکەرمێ، واتش: "ئەگەر گۆشەگیری ورگیریۆ، گۆشەگیری سەروو کوردی و تورکیوە ورگیریۆ".