ئێشکگێری داڎپەروەری پەی ئازاڎیی جەستەیی ڕابەروو گەلوو کوردی عەبدوڵا ئۊجالانی و چارەسەری سیاسی پەی پرسەو کوردی چند شارێوەنە بەرڎەواما.

ئیستەنبوڵ

چالاکییەکەو ئیستەنبوڵی ٤٦ ڕوۍ بەرڎەواما.

چالاکییەکەنە، پانکارتوو "پەی ژیواێوە ئازاڎی گۊشەگیریی ماڕمێ، بیمۍ بە دەنگوو زیندانەکا" و "پەی داڎپەروەری گۊشەگیری ماڕمێ، پەی ئاشتی بیمۍ بە دەنگوو زیندانەکا" ورواسیێنێ، چالاکۍ هێلەکشا کەرڎەنە، بە تورکی و کوردی سەرشۊ نویسیابۍ "گۊشەگیری تاوانێوە دژوو ئینسانیەتین"، هەرپاسە درووشموو "بژیوۊ مدرامانوو زیندانی" و "بژیۊ سەرۊک ئاپۊ"یشا بەرز کەردۊ.

پەرلەمانتاروو دەم پارتی جەنگیز چیچەک قسێش کەردێ، بەشێوە جە وەرگێرینامەو ڕابەروو گەلوو کوردی عەبدوڵا ئۊجالانیش واناوە و ئەرەیاوناش پێویسا فیکروو ڕابەروو گەلوو کوردی عەبدوڵا ئۊجالانی جە لاێوە وەڵا کریۊوە، واتش: "ئی چالاکییە وێستگێوە سەرکەوتەین و تا بەدەستئارڎەی ئەنجامێوە بەرڎەوامۍ بیمێ. پێویسا ئی چالاکییۍ چەنی ئایدۊلۊژیای و چاندی و سەرۊکایەتیما یۊ وزمێ. دووەبارە بە دۊس و دوژمنی ماچمێ، ئی گەلە سەرۊکش هەن و گەل دەوروو سەرۊکینە یۊش گێرتەن".

وان

چالاکییەکەو وانی ٥٥ ڕوۍ بەرڎەواما.

هامسەرۊکوو کۊمەڵەو پەشتیوانی و هامکاریی بنەیانەو زیندانییا و حکومدریایا، چەتین ئۊیار داواش کەرڎە، کە  خاوەنداری قەوەتتەر جە چالاکییەکەی کریۊ، باسوو ئانەیش کەرد مانگێرتەی جە وارڎەی یاوان ٦٣ ڕوۍ و واتش: "گەرەکما نیا هەواڵی خراپۍ زیندانۊ بژنەومێ، پەوکای بۍ دماکەوتەی پێویسا پەی ئازاڎیی جەسەیی بەڕێز ئۊجالانی و ورگێرتەی گۊشەگیری خاوەنداریی وەنەو چالاکییەکا کەرمێ".

مێرسین

بە هەمان شێوە چالاکییەکەو مێرسینی بەرڎەواما.

ئەندامەو مەجلیسوو ئەدایاو ئاشتی، ڕازیە سومەرە ئاماژەش پانەیە کەرد تا ورگێرتەی گۊشەگیری و ئازاڎیی ڕابەروو گەلوو کوردی عەبدوڵا ئۊجالانی درێژە بە چالاکیی مدا، داواش وەنەو وەزارەتوو داڎی کەرڎە جوابوو داواکاشا بدۊوە.

مێردین

چالاکییەکەو مێردینی ٢٢ ڕوۍ بەرڎەواما.

چندین لایەنۍ و کەسێتیۍ و هونەرمەندۍ و ڕێکوزیۍ سەرۍ چالاکییەکەیشا دا.

ئامەد

چالاکییەکەو ئامەدی ٥٥ ڕوێن بەرڎەواما.

چندین لایەنۍ و کەسێتیۍ سەرۍ چالاکییەکەیشا دا. چالاکییەکە بە درووشموو "بژیوۊ مدرامانوو زیندان"ی بەرڎەوام بی.