چالاکییەکاو ئێشکگێریی داڎپەروەری پەی ئازاڎیی ڕابەروو گەلوو کوردی عەبدوڵا ئۆجالانی و چارەسەروو پەرسەو کوردی چند شارێوەنە بەردەواما، چالاکییەکەنە پەی چارەسەری بانگەوازوو دماییئاردەی بە گۆشەگیری کریا.
چالاکییەکاو ئێشکگێریی داڎپەروەری پەی ئازاڎیی جەستەیی ڕابەروو گەلوو کوردی عەبدوڵا ئۆجالانی و چارەسەری سیاسیی پەرسەو کوردی چند شارێوەنە بەردەواما، چالاکێ و سەرداییکەرێ ئەرەیاوناشا پەرسەو کوردی بە تەنیا پەرسەو گەلوو کوردی نییەنە، پەی چارەسەروو ئی پەرسێ داواو ورگێرتەی گۆشەگیرییشا کەرد.
وان
ئێشکگێریی داڎپەروەری واننە بە سەرمەشقایەتیی کۆمەڵەو هامکاریی بنەیانەو زیندانییا و حکومدریایا (توای دەر) بۆ ئازاڎیی جەسەیی ڕابەروو گەلوو کوردی عەبدوڵا ئۆجالانی ٩٤ ڕوێن بەردەواما. قەومێ زیندانییا واتشا تا ئازاڎیی ڕابەروو گەلوو کوردی عەبدوڵا ئۆجالانی و چارەسەروو پەرسەو کوردی کۆشیایشا بەردەواما.
ئامەد
ئێشکگێرییەکەو ئامەدی بە سەرمەشقایەتیی توای دەری ٩٧ ڕوێن بیناو دەم پارتی-ینە ڕێزاننە بەردەواما. هامسەرۆکی گردینوو کۆنفیدراسیۆنوو سەندیکاکاو کرێکارە جەماوەرییەکا، ئایفار کۆچاک و ئەنداماو کۆنفیدراسیۆنەکەی سەرشا دا.
چالاکە مەریەم سۆیلووە واتش پەرسەو کوردی تەنیا پەرسەو گەلوو کوردی نییەنە و پەرسەو گردوو گەلانە و واتش: "تەحەمول مەکەرا و نمازا ئۆجالان چەنی بنەیانەکەیش دوۆ. دڕندایەتیی وەراوەروو کورداوە کەرا، کەشەکاو کوردستانی بۆردومانێ کەرا، حیسابما پەی مەکەرا و ماچا "کورد نییا"، وەختێ کورد ماچا "ئێمە هەنمێ" کوشیەیمێ".
ئایفار کۆچ تیشکەش وستە سەروو گۆشەگیریی ئیمراڵی و واتش: "گۆشەگیری پێسەو پڕۆسێوە کاریگەری سەروو ژیوایماوە بەردەواما. حەرچند زیندانەکانە میاونیۆ یاگێ، بەڵام کاریگەریێوە گەورە سەروو کرێکاراوە هەن. بییەن بە پڕۆسێوە دژوو ئیرادەو کرێکارە هەژارا، پێسەو کرێکارە جەماوەرییا دژوو گۆشەگیری سەروو کرێکارا فرە تووڕێنمێ".
ئێلح
ئێشکگێرییەکەو ئێلحی بە سەرمەشقایەتیی توای دەری بیناو ڕێکوستەی پارتوو هەرێمە دیموکراتیکەکا (دەبەپە) ٣٩ ڕوێن بەردەواما. چالاکییەکەنە، ئەنداماو پارت و ڕێکوزیایەکا سەرشا دا و درووشمەکێشا بەرزێ کەردێوە.
