چالاکی ئێشکگیری ئازادی بە داواو ئازادی بەڎەنی ڕابەر ئاپۆی ١٤ ساڵېن جە ستراسبۆرگۆ دەسشپنەکریان، جە حەفتەو ٦٨١ ینە بە گرووپێوە مېیانو گلېرگەو کوردی دیموکراتیکی ژنێڤی بەردەوامیش هەن.
چالاکی ئی حەفتەیە بە داواو ئازادی بەڎەنی ڕابەر ئاپۆی بە سەرمەشقایەتی 'دەسوەڵێوستەی پەی عەبدوڵا ئۆجالانی' جە حەفتەو ٦٨١ینە درێژەش هەن. ئېشکگیرا ئی حەفتەیە جە مېیانو گلېرگەو کوردی دیموکراتیکی پێکئامێنې جە؛ عەزیز ئاسڵان، حەسەن ئینجە و خەتیب بیلەنی.
ئېشکگیرا ئاماژەشا پانەیە دا ئامانجما مسۆگەرکەردەی ئازادی بەڎەنی ڕابەر ئاپۆیا و واتشا: "داواو گەلو کوردی چارەسەرکەردەی پرسەکاشا بە ڕاو دیموکراسی. ڕابەر ئاپۆ و پەکەکە هەنگامەکې چارەسەریشا نیې، پەنەوازا دۆڵەتو تورکیچ هەنگامە بنیۆ. تا مسۆگەرکەردەی ئازادی بەڎەنی ڕابەر ئاپۆی و چارەسەرکەردەی پرسو کوردی جە چالاکیەکەیما بەردەوامې بیمې. چێوە سڵام ۋنەو گرڎو دۆساما مکەرمې."
