ئێشكگیری ئازاڎیی ئینا حه‌فته‌و ٥٧٩ه‌مینینە
چالاكی ئیشكگیری كه پەی ئازاڎیی ڕابه‌رو گه‌لوو كورڎی ئه‌نجام مڎریۊ، جە شارو ستراسبۆرگی ئینا حه‌فته‌و ٥٧٩ ه‌مینینە به‌به‌شڎاری یەرۍ ۋڵاڎپارێزا مەنتیقەو نۆرماندی فه‌ڕه‌نسای ۋه‌رده‌واما.
ئێشكگیری ئازاڎیی، كه جەلایەن و ده‌سوەڵېوزی ئازاڎیی پۍ عه‌بدوڵا ئۆجالانی جە ٢٥و حوزه‌یرانو ٢٠١٢ پەی ئازاڎیی جه‌سته‌یی ڕابه‌رو گه‌لوو كورڎی جە شارو ستراسبۆرگی جە فه‌ڕه‌نسا دەسش پنەکەرڎ، جە حه‌فته‌و ٥٧٩ ه‌مینینە ۋه‌رده‌واما.
كورڎە ئەرەنیشتەکۍ ئه‌وروپای چنی دۆسه‌كاشا به نۆره حه‌فتانه درێژه پا چالاكییا مڎا. ئانۍ کە ئی حه‌فته ۋه‌رده‌وامی به چالاكی ئێشكگیری ئازاڎیی مڎا یەرۍ ۋڵاڎپارێزېنۍ جە مەنتیقەو نۆرماندی فه‌ڕه‌نسای.
گروپه‌كه جە حه‌ر یۊ جە محه‌مەڎ سه‌رحه‌د، حسێن چاتی و مسته‌فا دورمازی پېکئامېنۍ.
لاو ۋېشۊ محه‌مه‌ڎ سه‌رحه‌د به‌نامۍ چالاكاوه قسېش کەرڎە و ۋاتش: جە ١٠٠ه‌مین ساڵه‌و په‌یماننامه‌و لۆزانینە به‌ره‌و تاریخېۋە ڕۊشنی هه‌نگامە منیەیمۍ، هاموەخت هیوا و چەمەڕاییەکېش وستۍ ڕووە.
محه‌مه‌ڎ سه‌رحه‌د داواش جە گرڎ لایۍ کەرڎ، پۍ ئازاڎیی ڕابه‌رو گه‌لوو كورڎی عه‌بدوڵا ئۆجالانی ئانەی جە تواناشانە بۊ ئه‌نجامش بڎا.
هـ . ش
