چالاکی ئێشکگیری کە پەی ئازادیی رابەر ئاپۆی جە ستراسبورگو فەرەنساینە ملۆڕاوە، ئینا حەفتەو ٦٥١ مینینە.

چالاکا ئی حەفتەیە ٣ وڵاتپارێزنێنۍ بە نامەکا : حەنیفی کەلیک، دەنیز ئەرکلینچ و ئاسمین سلا ئۆزقەیتانۍ. بەنامۍ گروپەکەیۆ حانیفی کەلیک قسێش کەردۍ و واتش: "ئمە مزانمۍ پەرلەمانو ئۊروپای و سی پی تی جە هۊرگێرتەی گۆشەگیرینە ئەرکو ۋێشا جابەجۍ نمەکەرا. پېسە گەلو کوردی ئێمە جە ئۊروپا و گرڎو هەرێمەکا کوردەسانینە سەرنج وزمێنە سەرو ئا مژاریە. ئاگاڎیی مڎەیمۍ بە دۊڵەتوو تورکی؛ گەلو کوردی کە سەڎ ساڵێن قڕش مکەردۍ، کوشدێشا حەجگیز سەرەش نەنامنانەرە، حەجگیزیچ سەرە مەنامنۆرە".

ئاماژە بە ئەرەگیری و قڕکەردەی کریا

چالاکا هەرپاسە جە بانگەوازێوەنە رووە جە پەرلەمانو ئۆروپای، ئەنجومەنو ئۆروپای و سەرنجشا وست سەرو کۆمکوژی جە ۋەرنیشتەنە و ئەرەیاۋناشا: "هەڕەشۍ جە پێوەرە ژیۋای گەلا کورد، ئەرمەن و کریستیانی مکریۆ. ۋەرو چەما مرۆڤەکاوە کۆمکوژی مکریۆ. یەپەگە و یەپەژە جە ئۆروپانە پېسە رێکوزیای تیرۆریستی نمەوینیا، دۆڵەتو تورکی فاشیستی پېسە رێکوزیای تیرۆریستی موینۆشا".