دەسەو وزەو ئیدارەو ۋێڕاوەبەری سەرنجش وست سەرو هرووژمەکا دۊڵەتو تورکی پەی سەرو بەنداوو تشرینی و داواش جە ڕێکوزیا مېیاننەتەوەییەکا کەرد کە جە دژو کارەساتە ژیۋگەی و مرۆییەکا هەنگامەی دەمودەسیە بنیا.
دەسەو وزەو ئیدارەو ۋێڕاوەبەری دیموکراتیکی سەرنیشت و ۋەرکۊتوو سووریای سەبارەت بە لێکەوتەکا وڕای بەنداوو تشرینی بەمەڵامەتوو هرووژمەکا دۊڵەتو تورکی ئەرەگیریوە، بە ئەرەیاۋنێوە ئاگاڎیش دا.
دەسەکە جە ئەرەیاۋناکەینە ئاماژەش پانەی کەرڎ کە دۊڵەتو تورکی ئەرەگیری ٤٠ ڕووێن بەنداوو تشرینی بۊمبواران مکەرۆ. جە ۋەرا ۋەرەنە هێزەکاو سووریای دیموکراتیکی (قەسەدە) و یەکینەکاو پارېزنای ژەنۍ (یەپەژە)ی مڎرامانێوە تاریخی ڕاوەبەر مکەرا. دەسەکە ئاماژەش پانەیچ کەرڎ کە هەرچڼە داوا جە ڕێکوزیا مېیاننەتەوەیی، خاچی سوور و یوسنسێفی کریان کە دەسوەردای بکەرا و بەنداوەکەی جە هرووژمی پارێزنا، بەڵام دۊڵەتو تورکی ئەرەگیری جە هرووژمەکاس پەی سەرو بەنداوەکەی بەردەواما.
جە ئەرەیاۋناکەینە ئاماژە پانەی کریان پەی ئانەی کارەبا نەبڕیۆ جارێوەتەر داوا جە ئەرەمەرزیا پەیوەندیی دارەکا مکەرمۍ کە دەمودەس دەسوەردای بکەرا، سەرۋنەداکاشا زیاتەر بکەرا، بە مەڵامەتو ئانەی زەرەر بە چێرخانو بەنداوەکەی یاونا مشۆم چارەسەر بکریۆ.
جە دما دماینە دەسەکە ئاگاڎیش دان کە ئەگەر هرووژمەکۍ سەرو بەنداوو تشرینی بەردەوامۍ با ئانە لێکەوتەی ژیۋگەی و کارەساتیی مرۆی شۊنەو ۋێشەرە مارۆ.
