ئیدارەو وېڕاوەبەری شەنگالی بە ئەرەیاۋنێوە ئاگایش دا سەبارەت بە گەمەکا پەدەکەی جە شەنگالەنە کە پېوەس بە هۊرچنیەکا عێراقی گێرتەنشەنە ۋەر و ئاماژەش پانەی دا پەدەکە ئینا هەوڵو سانای دەنگو شەنگالییەکانە.
ئیدارەو وێڕاوەبەری شەنگالی پەیوەس بە هورچنییە و پەرلەمانو عێراقی کە جە ١١ـو تشرینو دووەمی ٢٠٢٥نە ئەنجام دریۆ، ئا گەمێ پەدەکەی جە ئیسەنە سەر و خەڵکو شەنگالی گێڵنۆش ئەرەیاونێوەش وەڵاکەردۆ و دلێشەنە هۆشداریش دا وەراوەر و ئا گەما پەدەکەی کە ئینا هەوڵو سانا و دەنگو شەنگالییەکانە.
جە ئەرەیاوناکەینە ئامان: "پێسە مزانمێ ماوێوەن جە چوارچێوەو ئامادەکارییەکا پەی هورچنییە و عێراقی، گرڏ لایەن و پارتە سیاسییەکێ هەرمانە پەی ئامادەکاریی هورچنییەکا مکەرا. پەی ئانەی ئێزدییەکێ شەنگالی نوێنەرو وێشا نەگیانا پەرلەمانو عێراقی و بەشداریی سیاسەتی نەکەرا، حکومەتەکەو سودانی جە چوارچێوەو جابەجێ کەردە و ڕێککەوتننامەی ٩ـو تشرینو یوەمینە قەرار و وستەریرە و پادێیش دا کە ئیرادەو سیاسی ئێزییدییەکا بێ."
جە ئەرەیاوناکەینە دەستنیشان کریان پەدەکە گەرەکشا جە ڕاو ئا ٢٥ ملیۆن دینارەو حکومەتو عێراقییۆ کە پێسەو قەرەبووکەردەیۆ پەی ئا زەرەرا بەعسی وڕای تەرخانش کەردەن کە سەر و موڵک و یانە و گەلیرە ئاردەنش، دەنگو گەلی بسانۆنە.
جە درێژەو ئەرەیاوناکەینە ئیدارەو وێڕاوەبەری داواش جە گلێرگە و ئێزدی کەردەن بەهیچ شێوێ پی گەما پەدەکەی هورنەخەڵەتیۆ و ئامان: "چانەی سەرنجڕاکێشتەر ئانەن بە پاو قەرارو حکومەتو عێراقی کە واتەبێش ٢٥ ملیۆن دینارێ مرەو، بەڵام پەدەکە ماچۆنە تەنیا ١٠ ملیۆن دینارێ پێسە و قەرەبووی مرەیمێ. کەواتا چێنە پەرسمێ ئا ١٥ ملیۆنەی تەر ملۆنە کۆکە، ئاشکران پەدەکە وەرۆش."
حەر جە ئەرەیاوناکەینە ئاماژە پانەی کریان جە کاتێنە حکومەتو هەرێمو کوردەسانی مەتاوۆنە موچەو موچەوەراش دۆنە، پەدەکە چنین تاوۆنە زەڕو ئێزدییەکا شەنگالی دۆنە و ئامان: "ئینەیش نیشاندەرو ئانەین پەدەکە ئینا دلێ فێڵە و هورخەڵەتنایێ گۆرەینە. ئەر گەرەکشا هامکاری گەلی بکەرۆ و گەرەکش نییا جارێوە تەر دەنگو گەلی سەرکەوت بکەرۆ، چی 'کارتو هورچنییەکاش' گەرەکا! ئنەی ئاگادارێنمێ گرڏ و ئینیشا گەمێوەن پەدەکە ئینا هەوڵشانە کەرۆشا."
ئیدارەو وێڕاوەبەری شەنگالی بانگەوازش جە گەلی کەردەن بەهیچ جۆرێ پی گەما پەدەکەی فریوو نەوەرا و ڕا نەرا پەدەکە کەرۆشا ئامرازێوە هورچنییەی.
