ئیدارەو وێڕاوەبەری سەرنیشتوو وەرکەوتوو سوریای هۆشداریشدا و داواش جە گەلا هەرێمەکەی کەرد ئاگاڎارۍ هەواڵی ناڕاسی و ئاژاوەگێڵنانەی با و ئەرەیاوناش؛ هەوڵدای پەی پەرەدای بە جەنگی ئایینی جە هەرێمەکەنە مڎریۆ.
نووسینگەو ئەرەیاوناو ئیدارەو وێڕاوەبەری دیموکراتیکو سەرنیشتوو و وەرکەوتوو سوریای دژو ئا کەشوهەواو تەرسێ و وەحشیەی کە دۆڵەتو تورکی و چەتەکاش گەرەکشانە جە وەرنیشتەنە دروسش کەرا بەیاننامێوە نویسیاش وەڵاکەردۆ و داواش جەگەلا هەرێمەکەی کەرد نەگنا چێرو کاریگەری هەوڵو بڕێ لایەنا کە گەرەکشانە ناکۆکی ئایینی و هەواڵێ ناڕاسێ وەڵاکەراوە.
جە بەیاننامەکەنە، بە ئاماژەدای پانەی کە سوریا بە پرۆسێوە تاریخی ویەرۆنە، وتریان: "ئارۆ فاڕیایۍ گۆرە هەرێمەکەنە ڕووەمڎۆ و وڵاتەکەما بییەن بە ناوەندو سیاسەتو مییاندۆڵەتی. چانەی زیاتەر، بە ئاماژەدای پانەی کە بەشێوە جە گروپەکا گەرەکشانە ناکۆکی ئایینی دروس بکەرا، ئاماژە پی خاڵا دریان: "بڕێ لایەنێ گەرەکشانە بە چڕکەردەیۆ جەنگی و ململانە ئایینیەکا و وەڵاکەردەیۆ هەواڵێ ناڕاسێ، هێمنی گەلەکەیما شێونانە. ئی لایەنێ تەنیا خزمەت بە پلانە دەرەکیەکا مکەرا. وەڵاکەردەیۆ زانیاری ناڕاس سەرو ماڵپەڕەکاوە و بڕێ پەلیانۍ پەیوەندیێ گەرەکشانە ئاسایش و سەقامگیری جە سەرنیشتوو وەرکەوتوو سوریاینە شێونانە و زەرەر بە ئاشتی و پێوەرە ژیوای دلێینەی بیاونا."
جە بەیاننامەکەنە، سەبارەت پا گرژیا کە خزمەت بە دوژمنا گەلی مکەرا، پاسە هۆشیاری دریان: "داوا جە گەلەکەیما کەرمێ ئاگادارو ئا هەرمانا با کە تەنیا خزمەت بە دوژمنا گەلی مکەرا و بڕوا بە حیچ هەواڵێوە ناراسی نەکەرا. چی پڕۆسەنە گرنگا تەنیا ئا زانیاری و هەواڵا کە جەڕاو پلاتفۆرم و دەزگاکا ئەرەیاونای ڕەسمی و متمانە پنەکرییایۆ وەڵاکریاوە وەرچەما بگیریا.
هەرپاسە جە بەیاننامەکەنە داوا جە ڕۆنامەنوویسا، میدیاکارا و ئەرەیاویایا کریان کە لکەدریێ بەیاننامەو ناوەندە ڕسمییەکا با.
دما دمایی بەیاننامەکەینە سەرەڕاو موبارەک بایی جە گەلی بەبۆنەو دەربازبییەی جە ڕژێمو سەرکوتکەری و ستەمکارو سوریای، ئەرەیاوییان: "ئینایمێ چا بڕوێنە کە گەلەکەما کە دژو چەتەکا داعشی ئینا ئەرەکۆشاینە، بە مەرامەکا وێش مېیاوۊنە و سەرگنۆ و جە شۆڕش و ئا دەس کەوتا جەسەیەو گەشمەرڏاوە و مڏرامانو گەلی بەد‌ی ئامێنێ، خاوەنداری مکەرۆ."
