ئیستەنبوڵ و ئەنقەرەنە داواو ئازادکەردە و زینانیا نەوەشی کریا
چا کۆنگرە ڕۆنامەنوویسیانە کە پەی زینانیا نەوەشی حەسەن ڕوزگاری و کەریم بۆرانی ئەنجامدریا، داواو ئازادکەردە و زینانیا نەوەشی کریا.
جە چالاکییەکانە پەی ئازادکەردە و زینانیا نەوەشی جە ئیستەنبوڵ و ئەنقەرەنە، داواو ئازادکەردە و زینانیا نەوەش حەسەن ڕوزگار و کەریم بۆران (٨١ ساڵ) کریا.
ئیستەنبوڵ
٦٨٩هەمین "چالاکی ئەرەنیشتە و F" کە هەفتانە جەلایەن و کۆمیسیۆنو زینانیا لقو ئیستەنبوڵی جەمە و مافەکا مرۆڤی (ئیهەدە) پەی جەخت وستەی سەر و ڕەوشو زینانیا نەوەشی ئەنجام دریۆنە، وەردەمو بیناو کۆمەڵەکەی جە بیۆغلو لواڕاوە. جە چالاکی ئی هەفتەینە جەخت وسیا سەر و ڕەوشو تەندرووستی زینانیا نەوەشی و کەم‌ئەندام ڕوزگار جە زینانو جۆرو Tی ئەدرنە.
واتەواچە و ئەنجوومەنو ژەنا پارتو یەکسانی و دیموکراسیی گەلا (دەم پارتی) خالیدە تورک‌ئۆغلوە و پەرلەمانتارە و دەم پارتی ئیستەنبوڵی کەزبان کۆنوکچوە بەشدارێ بێنێ.
جە چالاکییەکەنە سەرنج وسیا سەر و ڕەوشی خراپو حەسەن ڕوزگاری، دماتەر نامەو حەسەن ڕوزگاری کە جە زینانۆ گیانریا بێ ونریاوە، چالاکوانێ داواشا کەرد، دەمودەس حەسەن ئازاد کریۆنە و چارەسەری پەنەواز هورگێرۆنە.
ئەنقەرە
دەسوەڵێ وستەی ئازادیی پەی زینانیا نەوەشی جە هەفتەو ٥٦١هەمینینە چالاکییەکە جە جادە و ساکاریای ئەنجامدریا، ئەرەیاونا و ئی هەفتەیە سەرنج وسیا سەر و ڕەوشو زینانیا نەوەشی جە زینانو جۆرو Tی ئەدرنە کەریم بۆران (٨١ ساڵ).
هامسەرۆکو لقو ئەنقەرەی ئیهەدە، فاروق یازماجی ئەرەیاوناش ڕەوشو کەریم بۆرانا ڕۆ بە ڕۆ خراپتەر بۆنە، تواناو جووڵەیش کەم بییەنۆ و مەتاوۆنە پەنەوازییە سادەکا ژیوای ڕوانەیش بەبێ هامکاری کەردەی ئەنجام دۆنە. واوەی کریاوە کە پەنەوازا بە زووترین کات ئازاد کریۆنە.
