جەنگاوەراو سوبحی نەژات ئاگرناسلی پەی جوابدایۆ هرووژمە ئەرەگیریەکا چەتەکا دۆڵەتو تورکی پەی سەرو ۋەرنیشتی، ئیستەنبوڵنە ٣ چالاکیێشا کەردێنۍ.

جە بارەو چالاکییەکاوە جەنگاوەرا سوبحی نەژات ئاگرناسلی ئی زانیاریۍ ئەرەیاۋییۍ:

"شەوەو ٤و دیسەمبەری سەعات ٢٣:٠٠ ترۊمبێلو شایستێک جە نزیک ڤیاپۆرت ئەی ڤی ئێمی سەرو ڕاو باغجلارای ئیستەنبوڵی ئێرش وەردریانە.

شەوەو ٣ۍ دیسەمبەری جە توزلاینە ترۆمبێلێوە ئێرش وەردریانە.

٣ۍ دیسەمبەری سەعات ٢٣:٠٠ کۆگاو کەسێوە فاشیستی جە یەنیبۆسنای ئێرش وەردریانە".

جە ئەرەیاۋناکەینە ئامان، ڕۆ دماو ڕۆی هرووژمەکۍ سەرو ۋەرنیشتی زیاتەرۍ با. ئا گروپە چەتۍ دۆڵەتو تورکی چڼین ساڵێن وەیشا مکەرۆ، چنی سوپاو تورکی بە شێوێوە هەماهەنگ پەلامارۊو خاکو شۆڕشی مڎا و ماوەو چن ساڵێن کۆمکوژی ئەنجام مڎا. بە گرڎو هەرەکەتیماوە بەشدارۍ سەرفەربەری چالاکییەکا مکەرمۍ کە دژو ئا هرووژمە هەمەلایەنا دەسشپنەکریان.

ئێمە داوا جە گرڎو گەلا، هێزە شۆڕشگێڵنەکا و جوانا مکەرمۍ؛ شۆڕشو ۋەرنیشتی بەهای هامبەشو گردیمانە. رۆو ئانەی ئامان کە ئێمە بە رۆحو شۆڕشی یۆگێرتەی جەنگو شۆڕشگێڵنی گەلی عالتەر پەرەپنەبڎەیمۍ و چۆک بە دژمنی فاشیستو ئاکەپە-مەهەپەی بڎەیمێرە".