جەهەپە ٢١ ەمین کۆنگرەو نائاسایی وێش جە مېیانو کلتووری نازم حیکمەتی جە ئەنقەرە بینا. چنەشەنە واوەی ئۆزگور ئۆزەل پېسە سەرۆکو گرڎینی هۊرچنیاوە. وەڵۍ دەنگداکەینە بەرهان شیشمەک جە کاندید بیەی کیشیاوە.

دماو ئانەی دەنگش دا، ئۆزەل واتش: "بە ڕوێوە تاریخیرە موېیەرمۍ، ناهەقی فرە ۋەرا ۋەر بە پارتەکەیما کریان. گەل ئینەی موینۆ. ئینە هامکات سەرەتاو هەڵمەتەو هۊرچنیەی جەهەپەیا. ئینە دمایین جووڵەو دەسەڵاتیا".

بەپاو ئەنجامەکا، جە کۆو هەزار و ٣٢٣ نوێنەرا، هەزار و ٢٧٦ کەسۍ دەنگشا دان، چا ژمارەیچە ئۆزگور ئۆزەل بە هەزار و ١٧١ دەنگۍ بیۆ بە سەرۆکو گرڎیی جەهەپەی.

قەرار چامنەن، دماو کۆنگرەکەی، جەهەپە گلېرۊبیەیۍ ئەنجام بڎۆ.