ناوەنڎوو ئەرەیاۋنای و چاپەمەنی هەپەگەی جە ئەرەیاۋنێوەنە جە بارەو چالاکییەکاو گەریلای و هجوومە ئەرەگیریەکاوە زانیاریش وست ڕووە.

ئەرەیاۋناکەی پی جۊرەنە:

"هەرێموو گەشمەرڎە دەلیلوو ۋەرنیشتوو زاپی

٣ۍ ئایاری سەعات ١٤:٢٠، ١٣:١٥ و ١٦:٠٠ جە مېڎانوو مدرامانوو ئامێدینە دژوو ئەرەگیرا کە جموجوڵەنە بێنۍ چالاکی نیشانەماڕۍ ئەنجامدریا. جە ئاکامەنە ٣ ئەرەگیرۍ سزادریۍ. چالاکیەکە جە تەرەفوو هێزەکاو یەژاستاریماوە ئەنجامدریا.

هجوومەکۍ دەوڵەتوو تورکی ئەرەگیری:

١، ٢، ٣، ٤ و ٥و ئایاری جە هەرێموو گارەینە؛ مېڎانەکۍ رەپین، دەشتەو نەهلێ، دێرەش و زێڤکێ ٦ جارۍ، جە هەڕێموو مەتیناینە؛ مېڎانوو بێشیلی ٤ جارۍ، هەرێموو خواکورکینە؛ ئاوەو لۆلانی و مېڎانوو کۆلیتی ٢ جارۍ؛ بە گرڎیی ١٢ جارۍ ئا شۊنۍ بە فرۆکەی جەنگی بۆردومان کریۍ.

٣، ٤ و ٥ و ئایاری مېڎانەکۍ مدرامانوو گەشمەرڎە ئیبراهیم، گۆلکا، دەرگەلێ، کەش و ئامێدی، کەش و جودی، کەش و گەشمەرڎە پیردۆغانی، بێشیلی و سێلازێ بە هەلیکۆپتەری هجوومبەر و چەکی قورس بۆردومان کریۍ".