یۊبیەو کۊمیتەکا ژەنا فەلەستینی جە بارەو بەرنامەو ھورچنیاکا ئەنجومەنو ژەنا پارتو چەپی سەوزیۊ پەیامێۋەشا ۋەڵاکەرڎۊ.

بە نامۍ کۊمیتەکا ژەنا فەلەستینیۊ"عەبیرە ئەبو هودەر"ە پەیامێۋی ڤیدیۊییش کیاست و ئەرەیاۋناش:" جە فەلەستینی ئەرەگیرکریاۋە و جە قودسی پایتەختۊ، ئێمە هیوا و پاڵپەشتی ۋێما پۍ ھامڕایا ژەنی و پیای جە پارتو چەپی سەوزی ئاراستە مکەرمۍ کە ۋەرەن ڕوو گرڎ جۊرە فشارێۋی رژێمە دما کۊتەکا بیێنېۋە.

جە هەمان ۋەختەنە ئێمە ئەرەکۊشای ئەنجومەنو ژەنا پارتو دیموکراتیکو گەلان (هەدەپە)ی جە دژوو هێزە فاشیتیەکا پیرۆز مکەرمۍ و جارێۋیتەر پەشتیوانی ۋێما پۍ ئاڎیشا بەربڕمېنە. هامڕا و هەڤاڵا هێژای، شمە ورڎۍ و پا گیرۍ ۋێتا سەرو ئەرەکۊشای ئازاڎیی و داڎپەروەری و کۊمەڵایەتی نیشانەدا. ئێمە هەم پۍ کۊنیشتەکە و شمە و هەمیچ پۍ ھورچنیەکاتا هومېڎو سەرکۊتەی ۋازمېنە".

هـ . ش