ژەنا کوردی جە بەرلینۆ داوا کەرا پەرە بە کۆشیای بڎریۆ
ژەناو کوردی جە هۆڵوو ناوەنڎوو گلێرگەو دیموکراتیکی کوردینە جە بەرلین کوۍ بیێوە و ئەرەیاۋناشا، "پێوەرە گۆشەگیری ماڕمۍ و ڕا پۍ ئازاڎیی جەسڎەیی رابەر ئاپۆی کەرمێوە".
کورد و دۆسەکێش جە چوارچێوەو هەڵمەتەو "ئازاڎیی پۍ عەبدوڵا ئۆجالانی، چارەسەری سیاسی پۍ پرسوو کوردینە" جە گرڎ یاگێنە دەنگ هۊربڕا. کەمپینوو "١٠٠ هەزار پۊس کارتایچ پۍ ئیمراڵی" بەردەواما.
ئەنڎاما ئەنجومەنوو ژەنا دەست-دانی کە بەرلینەنە چالاکێنۍ، جە چوارچێوەو کەمپینەکەینە جە ناوەنڎوو گلێرگەو دیموکراتیکی کوردینە کوۍ بیێوەو پۆسکارتێشا نویستۍ و قەرارا پۍ رابەروو گەلوو کوردی عەبدوڵا ئۆجالانیشا کیانا.
ئەنڎامەو ئەنجومەنوو ژەنا دەست-دانی دلبەر ئا. سەبارەڎ بە کەمپینەکەی واتش، "پێسە ژەنێوە کوردۍ بەشێوێوە کارا بەشداریما جە کەمپینەکەینە کەرد. داوا جە گرڎوو ژەنا کەرمۍ کە بەشداری جەکەمپینەکەینە کەرا. تا گۆشەگیری ئیمراڵی مەڕیۊنە و رابەر ئاپۆ ئازاڎ بۆ، کۊشیای ئێمەیچ بەردەوام بۆ. داوا جە گرڎوو گەلوو کوردی و دۆساما کەرمۍ؛ ئێمە پێوەرە متاومۍ گۆشەگیری هۊرشێونمێوە و ڕا پۍ ئازاڎیی جەسڎەیی رابەر ئاپۆی وەش کەرمۍ. حەرپۊکەی مشۆم جە گرڎ یاگێنە، پێوەرە کۆشیەیمۍ و بیاومۍ بە چارەسەر".
