دەسوەڵێوستەی ژەنە هەقسانا ئەرەیاوناش، "جە ئایدن، ئانتالیا و ساکاریا، هەرمانگێوە و ٢ سەیارۍ بیناسازیۍ، کە پەی زەرەرڎای وەنەو سروشتی بەکار ئێنۍ، ھەرپاسە دوکانێوە مۊبیلیاتوو ڕەگەزپەرساما سۊچنۍ".
دەسوەڵێوستەی ژەنە هەقسانا جە ئەرەیاوناێوەنە وەڵاش کەرڎۊ، کە جە یەرۍ شارانە چالاکییشا کەرڎەن.
جە ئەرەیاوناکەینە ئی زانیاریۍ وزیێنۍ ڕووە:
"ڕۊو ٦وو ئابی، یەکینەکێما جە مەنتێقەو سوڵتانحیساروو ئایدنینە، دژوو هەرمانگێوە بەرهەمئارڎەی کارتۊنانە، چالاکیێوە سابۊتاژیشا کەرد. ساعیبوو ئا هەرمانگەیە لایەنگێرێوە دەسەڵاتی فاشیست و ئەفسەرێوە خانەنشینکریان بە نامۍ کەریم سانجاکی. جە ئەنجاموو چالاکییەکەینە هەرمانگەکە پاسەش سەر ئاما، کە جارێوە تەر پەی نەوەرۊ.
ڕۊو ٧ ئابی، مەنتێقەو فینیک-ی ئانتالیاینە، ٢ سەیارۍ بیناسازیۍ کۊمپانیێوە سەر بە ڕژێمی فاشیستیی ئاکەپە و مەهەپەی، کە سروشتی دلێنە بەرا، بە دەسوو یەکینەکاما سۊچیۍ.
ڕۊو ٥ ئابی، مەنتێقەو سەردیڤان-وو سەر بە ساکاریای، یەکینەکێما ئاویرشا جە مۊبیلیاتێوە سەر بە ئەنداماو "نەوەو ڕەگەزپەرسا" دا و کەلوپەلۍ دلێش سۊچیۍ.
جە کەسایەتیی فەرماندەی گەورە مەعسوم کۊرکمازینە، کە ھەڵمەتەو ١٥ ئابوو ١٩٨٤، شۊڕشوو ژیوایۊش دەس پەنە کەرد، بە ڕێزۊ یاڎوو گرڎوو جەنگەوانا و فەرماندەکاو گەریلای کەرمێوە. بە ڕێزەوە یاڎوو فەرماندە مەزنەکا ئەنگین سنجەر، ئاتاکان ماهیر و زەکی شەنگالی بەرز مرمانمۍ، کە جە مانگەو ئابینە گەشمەرڎۍ بیۍ.
ئێمە بە بۊنەو جەژنەو ژیوایۊوە مەبارەکبایی جە ڕابەر ئاپۊی، گەلوو کوردی و گرڎوو ئانیشا ئینۍ کەشۊ، زینڎانەکانە و حەریاگێوەنە، دژوو کۊلۊنیالیزم و ئەرەگیری وێگێریی کەرا. جارێوە تەر قەرارەکەما ئەوەخوای کەرمێوە، کە ڕاویارۍ ڕاو ئاڎیشانمۍ و ئاڎیشا کۊشیایمانە بەزینڎەیی مازمێوە.
س.ز
