ژیواو وەریشە مورادیێ ئینا چێرو تەرسێنە
ئەرەیاوییا کە دۆخو تەندروسی زینانیەی سیاسیۍ وەریشە مورادیێ کە جە زینانو ئێڤێنی تارانینە زینانیەنە، ئینا چێرو تەرسێنە.
ئاژانسو هرانای جە هەواڵێوەشەنە ئاماژەش بە دۆخو زینانیۍ سیاسیۍ کوردی وەریشە مورادیۍ جە زینانو ئێڤینینە کەردەن.
جە هەواڵەکەنە ئامان دۆخو تەندروسی وەریشە مورادیێ جە زینانو ئێڤینینە خراپا و وەرپەرسا زینانی وەریشە مورادییەشا جە خزمەتگوزاری پزیشکی بێبەشە کەرڏێنە.
ئانەیچ وزیان ڕووە کە جە ماوەو ویەردەینە تەنیا جارێوە وەریشە مورادییە بریێنە بنکەو تەندروسی جبەرو زینانی، بەڵام ئا جارەیچە بە بێ ئانەی خاس وشکنای پزیشکیش پەی بکریۆ گێڵنێنەشاوە پەی زینانی.
وەریشە مورادیە ١٠و ئۆکتۆبەری جە دژو سزاو جەقەنارەدای ئێرانەنە، دەسش بە مانگێرتەی واردەی کەردەن. دماتەر بە مەڵامەتو داواکاری رێکوزیا مەدەنییە دلێنییەکا و مییانەتەوەییەکا، چالاکوانێ و ئازادیوازێ سەرو بانگەوازو گلێرگەو ژەنا ئازادیی وەرکەوتوو کوردەسانی (کەژار) جە ٢٥و ئۆکتۆبەرینە دمایش بە مانگێرتەی ئارد.
